म. टा. प्रतिनिधी,औरंगाबाद
फेसबुकवरून ओळख झालेल्या एकाने दुबईत नेव्ही कंपनीत चांगल्या पगाराची नोकरी मिळवून देतो, असे आमिष दाखवत एका २८ वर्षीय तरुणास ३० हजार रुपयांना गंडा घातला. याप्रकरणी जवाहरनगर पोलिस ठाण्यात गुन्हा दाखल करण्यात आला आहे.
सौरभ माणिकराव सावरकर (रा. स्वानंदनगर, चेतनानगर),असे फिर्यादीचे नाव आहे. ते एका खासगी कंपनीत नोकरीस आहेत. संशयित आरोपी साहील मोहम्मद (रा. भोपाळ, मध्यप्रदेश) याच्याशी सौरभ यांची जानेवारी २०१७ पूर्वी फेसबुकच्या माध्यमातून ओळख झाली. हे दोघे नियमित चॅटिंग करत होते. साहील याच्या फेसबुक प्रोफाइलवर दुबई येथील काही नेव्ही कंपनीतील नोकरीविषयक माहिती सौरभ यांच्या वाचण्यात आली होती. साहिल याने २८ जानेवारी रोजी दुपारी बाराच्या सुमाराला फिर्यादीला अनेकदा फोन केला आणि दुबई येथील एका नेव्ही कंपनीत चांगल्या पगाराची नोकरी लावून देण्याचे आमिष दाखविले. परंतु, दुबईला जाण्यासाठी विमान तिकीट, व्हिसा यासाठी ३० हजार रुपये खर्च येईल, असे सांगितले. चांगली नोकरी मिळण्याच्या अपेक्षेने सौरभ याने साहिलच्या ई-मेवर बायाडाटा, इतर कागदपत्रे पाठवली. त्याने सांगितल्यानुसार ३१ जानेवारी रोजी दुपारी बाराच्या सुमाराला मोहंमद शालू या नावाच्या अॅक्सिस व प्रदीप मल्होत्रा या नावाच्या एचडीएफसी बँक खात्यात प्रत्येकी १५ हजार रुपये ऑनलाइन पद्धतीने भरले. या दरम्यान संशयित आरोपीने फिर्यादीला एका शिपिंग कंपनीचे नेमणूक पत्र मेलद्वारे पाठविले होते, रात्रीच मुंबई येथून दुबईला जाण्यासाठी विमान असल्याचे सांगितले. त्याप्रमाणे सौरभ मुंबई विमानतळावर पोहचले. परंतु, तेथे साहील आला नसल्याने त्याने फोन केला. तेव्हा बोलण्यात गुंतवून ठेऊन ८ फेब्रुवारी रोजी नोकरीचे काम पूर्ण होईल, अशी थाप मारली. त्यानंतर वेळोवेळी संपर्क करूनही संशयित आरोपी साहिल हा फोन उचलत नसल्याने फसवणूक झाल्याचे सौरभ यांच्या लक्षात आले. त्यानंतर त्यांनी पोलिसांत तक्रार दाखल केली आहे.
फेसबुकवरून ओळख झालेल्या एकाने दुबईत नेव्ही कंपनीत चांगल्या पगाराची नोकरी मिळवून देतो, असे आमिष दाखवत एका २८ वर्षीय तरुणास ३० हजार रुपयांना गंडा घातला. याप्रकरणी जवाहरनगर पोलिस ठाण्यात गुन्हा दाखल करण्यात आला आहे.
सौरभ माणिकराव सावरकर (रा. स्वानंदनगर, चेतनानगर),असे फिर्यादीचे नाव आहे. ते एका खासगी कंपनीत नोकरीस आहेत. संशयित आरोपी साहील मोहम्मद (रा. भोपाळ, मध्यप्रदेश) याच्याशी सौरभ यांची जानेवारी २०१७ पूर्वी फेसबुकच्या माध्यमातून ओळख झाली. हे दोघे नियमित चॅटिंग करत होते. साहील याच्या फेसबुक प्रोफाइलवर दुबई येथील काही नेव्ही कंपनीतील नोकरीविषयक माहिती सौरभ यांच्या वाचण्यात आली होती. साहिल याने २८ जानेवारी रोजी दुपारी बाराच्या सुमाराला फिर्यादीला अनेकदा फोन केला आणि दुबई येथील एका नेव्ही कंपनीत चांगल्या पगाराची नोकरी लावून देण्याचे आमिष दाखविले. परंतु, दुबईला जाण्यासाठी विमान तिकीट, व्हिसा यासाठी ३० हजार रुपये खर्च येईल, असे सांगितले. चांगली नोकरी मिळण्याच्या अपेक्षेने सौरभ याने साहिलच्या ई-मेवर बायाडाटा, इतर कागदपत्रे पाठवली. त्याने सांगितल्यानुसार ३१ जानेवारी रोजी दुपारी बाराच्या सुमाराला मोहंमद शालू या नावाच्या अॅक्सिस व प्रदीप मल्होत्रा या नावाच्या एचडीएफसी बँक खात्यात प्रत्येकी १५ हजार रुपये ऑनलाइन पद्धतीने भरले. या दरम्यान संशयित आरोपीने फिर्यादीला एका शिपिंग कंपनीचे नेमणूक पत्र मेलद्वारे पाठविले होते, रात्रीच मुंबई येथून दुबईला जाण्यासाठी विमान असल्याचे सांगितले. त्याप्रमाणे सौरभ मुंबई विमानतळावर पोहचले. परंतु, तेथे साहील आला नसल्याने त्याने फोन केला. तेव्हा बोलण्यात गुंतवून ठेऊन ८ फेब्रुवारी रोजी नोकरीचे काम पूर्ण होईल, अशी थाप मारली. त्यानंतर वेळोवेळी संपर्क करूनही संशयित आरोपी साहिल हा फोन उचलत नसल्याने फसवणूक झाल्याचे सौरभ यांच्या लक्षात आले. त्यानंतर त्यांनी पोलिसांत तक्रार दाखल केली आहे.