म. टा. प्रतिनिधी, औरंगाबाद
उड्डाणपुलावर खाली फेकल्याच्या प्रकरणात तक्रारदार सोहेल बावजीर याने संशयित आरोपींची नावे पोलिसांना देताना खोटे बोलल्याची कबुली पोलिस आयुक्त अमितेशकुमार यांच्यासमोर दिली. त्यानंतर बेगमपुरा पोलिस ठाण्याचे पोलिस निरीक्षक सलीम शेख यांची तातडीने उचलबांगडी करण्यात आल्याची माहिती उघड झाली आहे.
प्लॉटिंगच्या वादातून सोहेल बावजीर व शेख कलीम यांना टाऊन हॉल उड्डाणपुलावर ९ फेब्रुवारी रोजी रात्री हॉकीस्टिकने मारहाण करण्यात आली. त्यानंतर शेख कलीम यांना पुलावरून खाली फेकण्यात आले. याप्रकरणी सोहेल यांच्या तक्रारीवरून संशयित आरोपी गुड्डू उर्फ समीर, अब्दुल लतीफ, ललन व अब्दुल लतीफचा जावई यांच्यावर बेगमपुरा पोलिस ठाण्यात खुनाचा प्रयत्न केल्याप्रकरणी गुन्हा दाखल करण्यात आला आहे. दरम्यान, सोहेलने आणखी काहीजणांची नावे पोलिसांना दिली. पोलिसांनी ११ फेब्रुवारी रोजी अहेमद शेख ईमाम शेख उर्फ पटेल, मुजीब हबीब शेख उर्फ पटेल, शेख नाजेर शेख शहानूर उर्फ पहेलवान, अब्दुल अहेमद वली महमंद उर्फ मोतीवाला उर्फ कादर या चौघांना पकडले होते. बेगमपुरा पोलिस निरीक्षक सलीम शेख यांच्याशी संगनमत साधून या गुन्ह्यात नसलेल्या आरोपींची नावे गोवून त्यांना अटक करण्यात आल्याची माहिती पोलिस आयुक्त अमितेशकुमार यांना मिळाली होती. आयुक्तांनी तक्रारदार सोहेल बावजीरची स्वतः चौकशी केल्यानंतर त्याने तक्रार देताना खोटे बोलल्याची माहिती दिली. त्यांच्या माहितीनंतर तातडीने सलीम शेख यांची उचलबांगडी करून मुकुंदवाडी पोलिस ठाण्यात दुय्यम निरीक्षक पदावर नेमणूक करण्यात आली आहे.
याप्रकरणातील मुंशी पटेल, मुन्नाभाई गट्टूवाला व ताहेर अशी तीन नावे समोर आली आहेत. या तिघांचा या गुन्हयाशी काय सबंध आहे याची चौकशी करण्यात येत आहे. या गुन्ह्यातील इतर चार आरोपी अद्याप पसार आहेत.
अमितेशकुमार- पोलिस आयुक्त
उड्डाणपुलावर खाली फेकल्याच्या प्रकरणात तक्रारदार सोहेल बावजीर याने संशयित आरोपींची नावे पोलिसांना देताना खोटे बोलल्याची कबुली पोलिस आयुक्त अमितेशकुमार यांच्यासमोर दिली. त्यानंतर बेगमपुरा पोलिस ठाण्याचे पोलिस निरीक्षक सलीम शेख यांची तातडीने उचलबांगडी करण्यात आल्याची माहिती उघड झाली आहे.
प्लॉटिंगच्या वादातून सोहेल बावजीर व शेख कलीम यांना टाऊन हॉल उड्डाणपुलावर ९ फेब्रुवारी रोजी रात्री हॉकीस्टिकने मारहाण करण्यात आली. त्यानंतर शेख कलीम यांना पुलावरून खाली फेकण्यात आले. याप्रकरणी सोहेल यांच्या तक्रारीवरून संशयित आरोपी गुड्डू उर्फ समीर, अब्दुल लतीफ, ललन व अब्दुल लतीफचा जावई यांच्यावर बेगमपुरा पोलिस ठाण्यात खुनाचा प्रयत्न केल्याप्रकरणी गुन्हा दाखल करण्यात आला आहे. दरम्यान, सोहेलने आणखी काहीजणांची नावे पोलिसांना दिली. पोलिसांनी ११ फेब्रुवारी रोजी अहेमद शेख ईमाम शेख उर्फ पटेल, मुजीब हबीब शेख उर्फ पटेल, शेख नाजेर शेख शहानूर उर्फ पहेलवान, अब्दुल अहेमद वली महमंद उर्फ मोतीवाला उर्फ कादर या चौघांना पकडले होते. बेगमपुरा पोलिस निरीक्षक सलीम शेख यांच्याशी संगनमत साधून या गुन्ह्यात नसलेल्या आरोपींची नावे गोवून त्यांना अटक करण्यात आल्याची माहिती पोलिस आयुक्त अमितेशकुमार यांना मिळाली होती. आयुक्तांनी तक्रारदार सोहेल बावजीरची स्वतः चौकशी केल्यानंतर त्याने तक्रार देताना खोटे बोलल्याची माहिती दिली. त्यांच्या माहितीनंतर तातडीने सलीम शेख यांची उचलबांगडी करून मुकुंदवाडी पोलिस ठाण्यात दुय्यम निरीक्षक पदावर नेमणूक करण्यात आली आहे.
याप्रकरणातील मुंशी पटेल, मुन्नाभाई गट्टूवाला व ताहेर अशी तीन नावे समोर आली आहेत. या तिघांचा या गुन्हयाशी काय सबंध आहे याची चौकशी करण्यात येत आहे. या गुन्ह्यातील इतर चार आरोपी अद्याप पसार आहेत.
अमितेशकुमार- पोलिस आयुक्त