म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठांतर्गत असलेल्या विविध कॉलेजच्या प्राध्यापकांनी उच्चशिक्षण सहसंचालक कार्यालयासमोर निदर्शने केली. सहसंचालक कार्यालयात हजर नसल्याने संतापलेल्या प्राध्यापकांनी त्यांच्या खुर्चीला निवेदन सादर केले.
विभागातील महाविद्यालयीन प्राध्यापकांच्या विविध प्रलंबित मागण्यांबाबत वारंवार निवेदन दिल्यानंतरही कार्यवाही होत नसल्याने प्राध्यापकांनी मंगळवारी (८ मार्च) रोजी धरणे व निदर्शने केली. शासन आणि प्रशासनाच्या विरोधात प्राध्यापकांनी घोषणाबाजी केली. निवेदन स्वीकारण्यासाठी सहसंचालक नसल्याने संतापलेल्या प्राध्यापकांनी रिकाम्या खुर्चीला निवेदन सादर केले. वेतन निश्चिती, एमफिल, पीएच.डी. वेतनवाढीचे प्रलंबित असलेले प्रस्ताव निकाली काढावेत, कान्हेरे समितीमधील प्राध्यापकांचे थकित वेतन द्या, तासिका तत्त्वावरील प्राध्यापकांचे थकित वेतन द्या, जुनी पेन्शन योजना लागू करावी, प्रशासन अधिकारी सांजेकर यांची बदली करावी, सहाव्या वेतन आयोगानुसार कॉलेज स्तरावर २ ते ५ सहयोगी प्राध्यापक असलेल्या कॉलेजांमध्ये एक प्राध्यापकाचे पद मंजूर करण्यात यावे, अशा मागण्या प्राध्यापकांनी केल्या आहेत. डॉ. बाबासाहेब आंबेडकर मराठवाडा विद्यापीठ महाविद्यालयीन प्राध्यापक संघटनेचे (बामुक्टा) अध्यक्ष डॉ. विलास खंदारे, डॉ. बाबा सलामपुरे, डॉ. अंकुश कदम, डॉ. सदाशिव सरकटे, डॉ. अर्जून उबाळे, डॉ. सुनील पिंपळे, डॉ. गोपाळ बछिरे, डॉ. सत्यप्रेम घुमरे, डॉ. सर्जेराव जिगे, डॉ. व्यंकटेश लांब, डॉ. दिलीप अर्जुने, डॉ. लक्ष्मीकांत शिंदे, डॉ. सुहास देशमुख, डॉ. एस. के. कळकर यांची उपस्थिती होती.
डॉ. बाबासाहेब आंबेडकर मराठवाडा विद्यापीठांतर्गत असलेल्या विविध कॉलेजच्या प्राध्यापकांनी उच्चशिक्षण सहसंचालक कार्यालयासमोर निदर्शने केली. सहसंचालक कार्यालयात हजर नसल्याने संतापलेल्या प्राध्यापकांनी त्यांच्या खुर्चीला निवेदन सादर केले.
विभागातील महाविद्यालयीन प्राध्यापकांच्या विविध प्रलंबित मागण्यांबाबत वारंवार निवेदन दिल्यानंतरही कार्यवाही होत नसल्याने प्राध्यापकांनी मंगळवारी (८ मार्च) रोजी धरणे व निदर्शने केली. शासन आणि प्रशासनाच्या विरोधात प्राध्यापकांनी घोषणाबाजी केली. निवेदन स्वीकारण्यासाठी सहसंचालक नसल्याने संतापलेल्या प्राध्यापकांनी रिकाम्या खुर्चीला निवेदन सादर केले. वेतन निश्चिती, एमफिल, पीएच.डी. वेतनवाढीचे प्रलंबित असलेले प्रस्ताव निकाली काढावेत, कान्हेरे समितीमधील प्राध्यापकांचे थकित वेतन द्या, तासिका तत्त्वावरील प्राध्यापकांचे थकित वेतन द्या, जुनी पेन्शन योजना लागू करावी, प्रशासन अधिकारी सांजेकर यांची बदली करावी, सहाव्या वेतन आयोगानुसार कॉलेज स्तरावर २ ते ५ सहयोगी प्राध्यापक असलेल्या कॉलेजांमध्ये एक प्राध्यापकाचे पद मंजूर करण्यात यावे, अशा मागण्या प्राध्यापकांनी केल्या आहेत. डॉ. बाबासाहेब आंबेडकर मराठवाडा विद्यापीठ महाविद्यालयीन प्राध्यापक संघटनेचे (बामुक्टा) अध्यक्ष डॉ. विलास खंदारे, डॉ. बाबा सलामपुरे, डॉ. अंकुश कदम, डॉ. सदाशिव सरकटे, डॉ. अर्जून उबाळे, डॉ. सुनील पिंपळे, डॉ. गोपाळ बछिरे, डॉ. सत्यप्रेम घुमरे, डॉ. सर्जेराव जिगे, डॉ. व्यंकटेश लांब, डॉ. दिलीप अर्जुने, डॉ. लक्ष्मीकांत शिंदे, डॉ. सुहास देशमुख, डॉ. एस. के. कळकर यांची उपस्थिती होती.