औरंगाबादेत ५९ बाधितांची भर; रुग्णसंख्या हजाराच्या पार

औरंगाबाद: औरंगाबादमध्ये आजही ५९ नवे रुग्ण सापडल्याने जिल्ह्यातील करोनाबाधितांची संख्या १०२१ झाली आहे. औरंगाबादमध्ये करोनाच्या रुग्णांनी हजाराचा पल्ला गाठल्याने एकच खळबळ उडाली आहे. तसेच जिल्ह्यात आतापर्यंत ३१ करोनाबाधितांचा मृत्यू झाला आहे, तर ३१२ करोनाबाधित करोनामुक्त होऊन घरी परतले आहेत.

औरंगाबादमध्ये आज आढळलेल्या रुग्णांमध्ये पैठण गेट, सब्जी मंडी, किराडपुरा, सेव्हन हिल कॉलनी, एन-६ सिडको, बायजीपुरा, रोशन नगर, हनुमान नगर, संजय नगर, गल्ली नं. पाच, हिमायत बाग, एन-१३ ‍सिडको, सादाफ कॉलनी आणि बेगमपुरा येथे प्रत्येकी एक, पुंडलिकनगर आणि मदनी चौक येथे प्रत्येकी २, न्याय नगर, हिमायत बाग आणि जलाल कॉलनी येथे प्रत्येकी ३, बहादूरपुरा, बंजारा कॉलनी, गल्ली नं.दोन आणि हुसेन कॉलनी येथे प्रत्येकी ४, भवानी नगर ५, मकसूद कॉलनी ६, सिल्कमिल कॉलनी ८ आणि जुना मोंढा येथे ११ रुग्ण सापडले आहेत. यामध्ये २७ महिला व ३२ पुरुषांचा समावेश आहे. त्यामुळे जिल्ह्यातील करोनाबाधितांची संख्या १०२१ झाली आहे. तसेच आतापर्यंत ३१ करोनाबाधितांचा मृत्यू झाला आहे, तर ३१२ करोनाबाधित हे करोनामुक्त होऊन घरी परतले आहेत.

LIVE : देशात ९६,१६९ करोनाबाधित, ३०२९ मृत्यू

दरम्यान, आज जुना मोंढा, सिल्कमिल कॉलनी आणि मकसूद कॉलनीत मोठ्या प्रमाणावर रुग्ण सापडत असल्याने आरोग्य यंत्रणेची डोकेदुखी वाढली आहे. तसेच औरंगाबादमधील करोना रुग्णांचा आकडा हजाराच्या पुढे गेल्यानेही यंत्रणेसमोर आव्हान उभे ठाकले आहेत. नागरिक सोशल डिस्टन्सिंगचं पालन काटेकोरपणे करत नाहीत. शिवाय तोंडाला मास्क लावत नसल्याने रुग्णसंख्येत वाढ होत असल्याचं सूत्रांनी सांगितलं.

लॉकडाऊन ४.० मध्ये कोणत्या गोष्टींत मिळाली सूट, पाहा...