'राजसाहेब जसा पुण्याचा तिढा सोडवला तसाच...'; मनसैनिकांचं सोशल मीडियावर कँपेनिंग

औरंगाबाद : मनसे प्रमुख राज ठाकरे यांची आज ठाण्यात सभा होणार आहे आणि या सभेपूर्वीच पुण्यातील मनसे नेते वसंत मोरे यांची नाराजी दूर झाली आहे. वसंत मोरे आणि राज ठाकरेंमध्ये झालेल्या भेटीनंतर हा नाराजीचा तिढा सुटला आहे. पण ज्याप्रमाणे पुण्याचा तिढा सोडवला तसाच औरंगाबादमधील मनसेचे माजी जिल्हाध्यक्ष सुहास दाशरथे यांच्याबाबतही राज ठाकरेंनी निर्णय घ्यावा अशी मागणी करत औरंगाबादच्या मनसे कार्यकर्त्यांकडून सोशल मीडियावर कँपेनिंग करण्यात येत आहे.

काही दिवसांपूर्वी राज ठाकरे औरंगाबाद दौऱ्यावर आले होते आणि यावेळी राज ठाकरेंनी सुहास दाशरथे यांचं जिल्हाध्यक्ष पद काढून घेतले होते. मात्र, त्यानंतरही आपल्याला न्याय मिळेल या अपेक्षेने दाशरथे अनेक दिवस मनसेतच राहिले. पण राज ठाकरेंकडून कोणताही प्रतिसाद मिळत नसल्याने त्यांनी मनसेच्या इंजिनमधून उतरण्याचा निर्णय घेतला. पण गेल्या काही दिवसांपासून पुण्यातील घडामोडी पाहता ज्याप्रमाणे वसंत मोरे यांच्याबाबत राज ठाकरेंनी निर्णय घेतला, तसाच न्याय दाशरथे यांना देण्यात यावा अशी मागणी दाशरथे समर्थकांकडून केली जात आहे.

Lemon Price Hike : ऐन उन्हाळ्यात लिंबाला सफरचंदाचा भाव, पण तरीही शेतकऱ्यांचा तोटा; कारण..
सोशल मीडियावर कँपेनिंग...

सुहास दाशरथे यांचे समर्थक आणि मनसे कार्यकर्त्यांकडून सोशल मीडियावर कँपेनिंग करण्यात येत असून," राजसाहेब जसा पुण्याचा तिढा सोडवला तसा संभाजीनगरचा देखील सोडवावा व सुहासभाऊ दाशरथे यांना देखील एकदा संधी देऊन बघावी हि विनंती," अशी पोस्ट करत कँपेनिंग करण्यात येत आहे. सोबतच #WeSupportSuhasDashrathe, #RajSahebThackeray, #शिवतिर्थ, #संभाजीनगर #कट्टर_महाराष्ट्रसैनिक असे हॅशटॅग वापरण्यात येत आहे. त्यामुळे दाशरथे समर्थकांच्या कँपेनिंगला किती यश मिळते हे पाहणं महत्वाचे ठरणार आहे.