५० हजार थकले तर मालमत्ता सील, एक लाखापेक्षा अधिक असल्यास...; 'या' पालिकेची कठोर भूमिका

औरंगाबादः करोनाचा परिणाम सर्वच क्षेत्रावर झाला आहे. तर याचाच थेट परिणाम औरंगाबाद महानगरपालिकेच्या करवसुलीवर मोठ्याप्रमाणात होत आहे. त्यामुळे आता औरंगाबाद महानगरपालिकेने करवसुलीसाठी कठोरपणे मोहीम राबवण्याचे ठरवलं आहे. त्यामुळे आता यापुढे थेट थकबाकीदारांविरोधात जप्तीची मोहीम राबवली जाणार आहे.

महापालिकेच्या उपायुक्त अपर्णा थेटे यांनी नुकतीच वॉर्ड अधिकारी आणि वसुली कर्मचाऱ्यांची बैठक घेऊन १ लाख रुपयांपेक्षा मालमत्ता कराची थकबाकी असलेल्या मालमत्ता जप्त करण्याचे तर, ५० हजारांपेक्षा अधिक थकबाकी असेल तर तातडीने मालमत्ता सील करण्याचे आदेश दिले. तसेच कर भरल्यानंतरच जप्त मालमत्ता परत करण्यात येईल, असेही यावेळी थेटे म्हणाल्या.

वाचाः शेतकऱ्याचा नादच खुळा! नव्या सोयाबीन वाणाचा लावला शोध, ही आहेत वैशिष्ट्ये
तिसऱ्या लाटेत करोना अधिक वेगाने फैलावत असल्याचे पाहायला मिळत आहे. त्यात मनपा अधिकारी-कर्मचाऱ्यांनाही कोरोनाची लागण झाली. त्यामुळे आशा काळात कर वसुलीसाठी मनपा कर्मचाऱ्यांनी घराघरात जाणे टाळले. यामुळे महिनाभरात केवळ ११ कोटी रुपये एवढीच कराची वसुली झाली. त्यामुळे आता मनपाने कठोर कारवाई करण्याचे ठरवले आहे.

वाचाः मराठवाड्यात दिवसा उन्हाळा अन् रात्री हिवाळ्याचा अनुभव; आरोग्य तज्ज्ञांनी दिला मोलाचा सल्ला

करोनाचा फटका....

करोनापूर्वी वॉर्ड अधिकाऱ्यांसह कर्मचाऱ्यांनी घरोघरी जाऊन मालमत्ता कराची थकबाकी वसुली केली. करावरील व्याजामध्ये ७५ टक्के सूट देण्याचा निर्णय घेतला. त्यामुळे डिसेंबरपर्यंत शंभर कोटी रुपयांची वसुली झाली. त्यात ७९ कोटी मालमत्ता कर आणि २१ कोटी पाणीपट्टीची वसुली आहे. शंभर कोटींचा पल्ला गाठल्याबद्दल प्रशासक पांडेय यांनी अधिकारी कर्मचाऱ्यांचे कौतुक केले. पण त्यानंतर करोना आला आणि वसुलीला ब्रेक लागला.

वाचाः महापालिका आयुक्तांच्या अंगावर दोन महिलांनी फेकली शाई