पालिका प्रशासकांना मिळणार मुदतवाढ

औरंगाबाद : आस्तिककुमार पांडेय यांना महापालिका प्रशासक म्हणून आणखी सहा महिन्यांची मुदतवाढ मिळण्याची शक्यता आहे. त्यांच्या मुदतवाढीचे आदेश गुरुवारी (२९ ऑक्टोबर) प्राप्त होण्याची शक्यता आहे.

करोनामुळे एप्रिलमध्ये होणारी महापालिकेची निवडणूक पुढे ढकलण्यात आली. त्यामुळे एक मेपासून पालिकेवर प्रशासकांची राजवट सुरू झाली. नवीन नियमानुसार प्रशासकांची राजवट जास्तीत जास्त सहा महिनेच राहू शकते. मात्र, करोनाची सध्याची परिस्थिती लक्षात घेता पालिका निवडणूक किमान मे महिन्यापर्यंत होण्याची शक्यता नाही. त्यामुळे प्रशासकांना मुदतवाढ मिळण्याची शक्यता आहे. प्रशासकपदाच्या काळात पांडेय यांनी करोना नियंत्रणासाठी वेगवेगळे प्रयोग केले. त्यात त्यांना यश देखील आहे. त्यांनी अंमलात आणेलले एमएचएमएच अॅप राज्यस्तरावर मॉडेल म्हणून समोर आले आहे.