म. टा. प्रतिनिधी, औरंगाबाद
करोना रुग्णांसाठी सध्या ऑक्सिजनची कमतरता जाणवत आहे. ही कमतरता दूर करण्यासाठी पाच ते सात लिटरचे शंभर ऑक्सिजन कॉन्सन्ट्रेटर मशीन 'सीएसआर' फंडातून मिळावेत, अशी मागणी महापालिकेने राज्य सरकारकडे केली आहे. पालिकेकडे सध्या ८८ ऑक्सिजन कॉन्सन्ट्रेटर मशीन आहेत.
करोनाबाधितांची संख्या दररोज वाढतच आहे. त्यात गंभीर रुग्णांची संख्या देखील लक्षणीय आहे. या रुग्णांना ऑक्सिजनची गरज असते, मात्र सध्या ऑक्सिजनची सर्वत्रच कमतरता जाणवत आहे. महापालिकेच्या मेल्ट्रॉन येथील कोव्हिड केअर सेंटरमध्ये ३०० पैकी १५० खाटांना ऑक्सिजनची सुविधा देण्यात आली आहे. पालिकेकडे ८५ ऑक्सिजन कॉन्सन्ट्रेटर उपलब्ध आहेत. विविध कोव्हिड केअर सेंटरमध्ये हे कॉन्सन्ट्रेटर बसवण्यात आले आहेत. त्यातून रुग्णांना ऑक्सिजनचा पुरवठा केला जातो. चार कोव्हिड केअर सेंटरमध्ये एक हजार खाटांना ऑक्सिजन पुरविण्याची यंत्रणाही पालिकेकडून उभारली जाणार आहे.
ऑक्सिजनची वाढती मागणी ऑक्सिजन कॉन्सन्ट्रेटरच्या माध्यमातून भागवली जाऊ शकते. हवेतील ऑक्सिजन कॉन्संन्ट्रेटरच्या माध्यमातून रुग्णांना पुरवठा केला जाऊ शकतो. पाच ते आठ लिटर ऑक्सिजनची गरज असलेल्या रुग्णांसाठी हे कॉन्सन्ट्रेटर उपयुक्त ठरत आहेत. याबद्दल पालिकेच्या आरोग्य वैद्यकीय अधिकारी डॉ. नीता पाडळकर यांनी माहिती दिली. त्या म्हणाल्या, 'सध्या रुग्णालयांमधून ऑक्सिजन, व्हेंटिलेटरचा तुटवडा जाणवत आहे. सक्रिय रुग्णांमध्ये सुमारे दहा टक्के रुग्ण गंभीर स्वरुपाचे आहेत, त्यात पाच ते आठ लिटर ऑक्सिजनची गरज असलेल्यांची संख्या जास्त आहे. त्यासाठी ऑक्सिजन कॉन्सन्ट्रेटर महत्त्वाचे ठरणार आहे. पालिकेकडे ८५ ऑक्सिजन कॉन्सन्ट्रेटर आहेत, आणखी शंभर कॉन्सन्ट्रेटर मशीन सीएसआर फंडातून मिळावेत, अशी मागणी सरकारकडे करण्यात आली आहे.'
करोना रुग्णांसाठी सध्या ऑक्सिजनची कमतरता जाणवत आहे. ही कमतरता दूर करण्यासाठी पाच ते सात लिटरचे शंभर ऑक्सिजन कॉन्सन्ट्रेटर मशीन 'सीएसआर' फंडातून मिळावेत, अशी मागणी महापालिकेने राज्य सरकारकडे केली आहे. पालिकेकडे सध्या ८८ ऑक्सिजन कॉन्सन्ट्रेटर मशीन आहेत.
करोनाबाधितांची संख्या दररोज वाढतच आहे. त्यात गंभीर रुग्णांची संख्या देखील लक्षणीय आहे. या रुग्णांना ऑक्सिजनची गरज असते, मात्र सध्या ऑक्सिजनची सर्वत्रच कमतरता जाणवत आहे. महापालिकेच्या मेल्ट्रॉन येथील कोव्हिड केअर सेंटरमध्ये ३०० पैकी १५० खाटांना ऑक्सिजनची सुविधा देण्यात आली आहे. पालिकेकडे ८५ ऑक्सिजन कॉन्सन्ट्रेटर उपलब्ध आहेत. विविध कोव्हिड केअर सेंटरमध्ये हे कॉन्सन्ट्रेटर बसवण्यात आले आहेत. त्यातून रुग्णांना ऑक्सिजनचा पुरवठा केला जातो. चार कोव्हिड केअर सेंटरमध्ये एक हजार खाटांना ऑक्सिजन पुरविण्याची यंत्रणाही पालिकेकडून उभारली जाणार आहे.
ऑक्सिजनची वाढती मागणी ऑक्सिजन कॉन्सन्ट्रेटरच्या माध्यमातून भागवली जाऊ शकते. हवेतील ऑक्सिजन कॉन्संन्ट्रेटरच्या माध्यमातून रुग्णांना पुरवठा केला जाऊ शकतो. पाच ते आठ लिटर ऑक्सिजनची गरज असलेल्या रुग्णांसाठी हे कॉन्सन्ट्रेटर उपयुक्त ठरत आहेत. याबद्दल पालिकेच्या आरोग्य वैद्यकीय अधिकारी डॉ. नीता पाडळकर यांनी माहिती दिली. त्या म्हणाल्या, 'सध्या रुग्णालयांमधून ऑक्सिजन, व्हेंटिलेटरचा तुटवडा जाणवत आहे. सक्रिय रुग्णांमध्ये सुमारे दहा टक्के रुग्ण गंभीर स्वरुपाचे आहेत, त्यात पाच ते आठ लिटर ऑक्सिजनची गरज असलेल्यांची संख्या जास्त आहे. त्यासाठी ऑक्सिजन कॉन्सन्ट्रेटर महत्त्वाचे ठरणार आहे. पालिकेकडे ८५ ऑक्सिजन कॉन्सन्ट्रेटर आहेत, आणखी शंभर कॉन्सन्ट्रेटर मशीन सीएसआर फंडातून मिळावेत, अशी मागणी सरकारकडे करण्यात आली आहे.'