औरंगाबाद-नगर मार्ग आज राहणार बंद

औरंगाबाद : मराठा आरक्षणासाठी जलसमाधी घेणारे काकासाहेब शिंदे यांचा दशक्रियाविधी बुधवारी (१ ऑगस्ट) कायगाव टोका येथे जुन्या घाटावर होणार आहे. त्यामुळे अहमदनगर रस्त्यावरील वाहतूक सकाळी सात ते दुपारी तीनपर्यंत ठेवण्याचा निर्णय ग्रामीण पोलिसांनी घेतला आहे. यामुळे औरंगाबाद-पुणे मार्गावरील बस बुधवारी सकाळी रद्द करण्यात आल्याचे एस. टी. महामंडळाने कळवले आहे. दशक्रियाविधीला जिल्ह्यातून गर्दी होण्याची शक्यता असल्याने पोलिसांनी अहमदनगरकडे जाणारी सर्व वाहने बिडकीन- ढोरकीन-पैठण-शेवगाव-पांढरीपूल मार्गे वळवली आहेत. अहमदनगरकडून औरंगाबादकडे येणारी सर्व वाहने पांढरीपूल, शेवगाव, पैठण, ढोरकीन, बिडकीन मार्गे येणार आहेत.