कुत्रा भुंकल्यावरून बाप-लेकाला लोखंडी रॉडने मारहाण; इतकं मारलं की थेट...

औरंगाबाद : शेतात बकऱ्या घेऊन जात असताना आम्हाला तुमचा कुत्रा भुंकलाच का? म्हणत एका बाप-लेकाला लोखंडी रॉड आणि लाकडी काठीने मारहाणीची घटना औरंगाबाद जिल्ह्यातील गंगापूर तालुक्यातील शिल्लेगाव येथे समोर आली आहे. हा वाद इतका भयंकर होता की एकाचा महत्वाचा अवयवच मोडला आहे. या प्रकरणी शिवराम कारभारी बोराडे ( वय ६० वर्ष ) यांच्या तक्रारीवरून एकूण सहा लोकांवर गुन्हा दाखल करण्यात आला आहे.

मिळालेल्या माहितीनुसार, शिवराम बोराडे यांनी शिल्लेगांव पोलिसात दिलेल्या तक्रारीनुसार, ते आपल्या मुलासाबोत शेतात काम करत असताना शेतासमोरुन विजय सोमीनाथ गिरी व त्यांची आई कुसुम सोमीनाथ गिरी हे बकऱ्या चारण्यासाठी घेवुन जात असताना त्यांच्या बकऱ्या शिवराम यांच्या शेतात आल्याने शेतातील कुत्रा बकऱ्यांवर भुंकला. यावरुन विजय व त्याची आई कुसुम गिरी यांनी शिवराम यांच्या मुलगा नवनाथ याला शिवीगाऴ केली. मात्र, त्यानतर संध्याकाळी शिवराम बोराडे आपल्या मुलासोबत गावात परत आले असतांना कुत्र्याच्या भूंकण्यावरून नंदु गिरी व विजय गिरी हे पुन्हा शिवीगाऴ करु लागले. शिवीगाळ करत असतानाचा सोमीनाथ गिरी याने त्याच्या हातातील लोखंडी गज नवनाथ याचे डाव्या हातावर जोराने मारला. तर इतरांनी हातातील काठीने शिवराम यांच्या पाठीवर मारहाण केली.

एसटी संप मिटला का? लांब पल्याच्या बसेस धावल्या; महामंडळाच्या उत्पन्नातही वाढ
शिवराम बोराडे यांना आणि त्यांच्या मुलाला झालेल्या मारहाणीनंतर त्यांच्यावर लासुर स्टेशन येथे प्राथमिक उपचार करून पुढील उपचारासाठी औरंगाबाद येथील शासकीय घाटी रुग्णालयात दाखल करण्यात आले. घाटीतील डक्टरांनी नवनाथ याच्या डाव्या हाताचा एक्स-रे काढला असता त्याचा हात फँक्चर झाला आहे. त्याच्यावर सध्या उपचार सुरु आहेत, त्यामुळे शिवराम बोराडे यांच्या तक्रारीवरून एकूण सहा जणांविरोधात गुन्हा दाखल करण्यात आला आहे.