अखेर 'त्या' माजी आमदार पुत्राने फडणवीसांच्या उपस्थित भाजपमध्ये केला प्रवेश

औरंगाबाद : गेल्यावर्षी सप्टेंबर महिन्यात राष्ट्रवादीचे दिवंगत माजी आमदार कैलास पाटील चिकटगावकर यांचे पुत्र तथा तत्कालीन राष्ट्रवादी काँग्रेस पार्टीचे जिल्हा कार्याध्यक्ष अभय पाटील चिकटगावकर यांनी पदाचा राजीनामा दिल्याने खळबळ उडाली होती. मात्र, अखेर आज ( बुधवारी ) अभय पाटील यांनी माजी मुख्यमंत्री देवेंद्र फडणवीस यांच्या उपस्थितीत भाजपमध्ये प्रवेश केला आहे.

अभय पाटील हे राष्ट्रवादीचे माजी आमदार भाऊसाहेब पाटील चिकटगावकर यांचे पुत्र आहेत. तर २०१९ च्या विधानसभा निवडणुकीत वैजापूर मतदारसंघातून अभय पाटील यांनी निवडणूक लढवली होती. मात्र त्यावेळी त्यांना पराभव स्वीकारावा लागला होता. त्यानंतर अभय पाटील यांनी राष्ट्रवादीचे प्रदेशाध्यक्ष जयंत पाटील औरंगाबाद दौऱ्यावर असताना सप्टेंबर २०२१ मध्ये राष्ट्रवादीला सोडचिठ्ठी दिली होती. तर पाटील हे भाजपमध्ये जाणार असल्याची सुद्धा चर्चा होती. मात्र अखेर आज त्यांनी कमळ हाती घेतलं आहे.

ST Strike News Today: ९ आगारांवर एसटी महामंडळाची मोठी कारवाई, महिला कर्मचारी संकटात
काका-पुतण्यातील वाद?

२०१९ ह्या विधानसभा निवडणुकीत राष्ट्रवादीच्या उमेदवारीसाठी भाऊसाहेब पाटील आणि त्यांचे पुतणे अभय पाटील यांच्यात एकमेकांबद्दल नाराजी असल्याची त्यावेळी चर्चा होती. मात्र, भाऊसाहेब पाटील यांनी एक पाऊल माघे घेत अभय पाटील यांना उमेदवारी देण्याबाबत सहमती दर्शवल्यानं अभय पाटील यांना उमेदवारी देण्यात आल्याची सुद्धा चर्चा होती. पण पुढे ही नाराजी कायम होती आणि अभय पाटील यांनी राष्ट्रवादीला सोडचिठ्ठी दिली आणि आज भाजपमध्ये प्रवेश केला अशी तालुक्यात चर्चा आहे.