प्रियकराची भेट पडली महागात; भर रस्त्यात भेटले अन्...

औरंगाबाद : औरंगाबाद जिल्ह्यातील वाळूज येथील एका प्रेयसीला आपल्या प्रियकराची भेट चांगलीच महागात पडली आहे. कारण, भेटीला गेलेल्या प्रेयसीला प्रियकराच्या पत्नीने भर रस्त्यात बदडून काढलं आहे. आता हे प्रकरण पोलीस ठाण्यात गेले असून, वाळूज एमआयडीसी पोलिसात गुन्हा दाखल करण्यात आला आहे.

झालं असे की, वंदना गणेश रणसिंगे (२८) ही महिला रांजणगाव येथे मुलीसह किरायाच्या घरात राहते. तिचे अंबेलोहळ येथील लक्ष्मण पंडित जाधव यांच्याशी प्रेम संबंध असल्याने ती त्याला भेटण्यासाठी गेली होती. याची माहिती लक्ष्मण यांची पत्नी मीना जाधव यांनी मिळाली. त्यामुळे संतापलेल्या मीना यांनी वंदना यांना भर रस्त्यात पकडून चोप दिला.

आई भावाने मिळून लेकीचं मुंडकं चिरलं, पोलिस निरीक्षकाची भूमिका संशयास्पद म्हणत चित्रा वाघ घटनास्थळी
याप्रकरणी, मीना यांच्यासह नातेवाईकांनी रस्त्यात अडवून बेदम चोप देऊन जिवे मारण्याची धमकी दिल्याप्रकरणी वाळूज एमआयडीसी पोलीस ठाण्यात गुन्हा दाखल करण्यात आला आहे.

आधी पासूनच होती प्रेम प्रकरणाची कुणकुण...

आपल्या पतीचं बाहेर एका महिलेसोबत प्रेमप्रकरण असल्याची मीना यांना आधीपासूनच कुणकुण होती. पण आपल्या पतीची प्रियेसीसोबतची भेट होत असल्याचं मीना यांना कळाले आणि संतापलेल्या मीना यांनी आपल्या पतीच्या प्रेयसीला चांगलाच चोप दिला.