एसटी काही सुरू होईना, शिवशाही काही परवडेना; प्रवाशांचे आतोनात हाल

औरंगाबाद : गेल्या २३ दिवसांपासून सुरू असलेल्या एसटी कर्मचाऱ्यांच्या संपावर अजूनही तोडगा निघाला नसून राज्यभरातील आगारात कर्मचारी अजूनही ठाम मांडून बसले आहेत. तर याचा फटका सर्वसामान्य प्रवाशांना बसत आहे. त्यामुळे लालपरी बंद असल्याने जास्तीचे पैसे देऊन शिवशाहीने प्रवास करण्याची वेळ प्रवाशांवर आली आहे.

विलीकरणाच्या मागणीसाठी गेली २३ दिवस झालेत. एसटी कर्मचारी संपावर आहेत. त्यामुळे औरंगाबाद जिल्ह्यातील जवळपास ७०० पेक्षा अधिक बस जागेवरच उभ्या आहेत. तर औरंगाबादहुन पुण्याला जाण्यासाठी एसटी महामंडळाकडून शिवशाही बस सोडण्यात येत आहे. मात्र, शिवशाहीचं भाडं ५१५ रुपये असल्याने नेहमी येणाऱ्या जाणाऱ्यांना आणि अपडाऊन करणाऱ्या लोकांच मोठं आर्थिक नुकसान होत आहे.

Omicron : टेन्शन वाढलं! महाराष्ट्रात २८ ओमिक्रॉन संशयित रूग्ण; १० जण एकट्या मुंबईत
एसटीच्या अधिकाऱ्यांनी दिलेल्या माहितीनुसार, सध्या पुण्यासाठी औरंगाबाद आगारातून ९ ते १० शिवशाही बस सोडल्या जात असून त्याचं भाडं ५१५ रुपये आहे. लालपरी बंद असल्याने प्रवाशांना दुसऱ्या पर्याय नसल्याने शिवशाहीनेच प्रवास करावा लागत आहे. संप सुरू होण्यापूर्वी औरंगाबादमार्गे जाणाऱ्या इतर बस औरंगाबाद आगारातून दिवसांतून शंभर पेक्षा अधिक बस सुटत होत्या. ज्याचे तिकीट ३३० रुपायांच्या जवळपास होते. मात्र, आता शिवशाहीचं भाडं ५१५ द्यावे लागत असल्याने प्रवाशांना मोठं नुकसान सहन करावे लागत आहे.

आतापर्यंत २१ कर्मचाऱ्यांचं निलंबन...

औरंगाबाद आगारातील आतापर्यंत २१ जणांना निलंबित करण्यात आले आहे. तर ४७ जणांची सेवासमाप्ती करण्याचे आदेश एसटी महामंडळकडून देण्यात आले आहे. तर दुसरीकडे एसटी कर्मचारी अजूनही आपल्या संपावर ठाम आहेत.