सातवा वेतन आयोग लागू करा
इंटक कामगारांचे 'धरणे आंदोलन'
म. टा. प्रतिनिधी, औरंगाबाद
सातवा वेतन आयोग लागू करण्याच्या मागणीसाठी इंटक संघटनेच्या वतीने शहरातील विभाग नियंत्रक कार्यालयासमोर, विभागीय कार्यशाळेच्या प्रवेशद्वारासमोर धरणे आंदोलन करण्यात आले.
एसटी वर्कर्स काँग्रेस (इंटक) संघटनेच्या वतीने राज्यव्यापी संघर्ष यात्रा काढण्यात आली होती. ९ ऑगस्ट ते १५ ऑगस्ट दरम्यान आगार पातळीवर जागृती आंदोलन करण्यात आले. त्याअंतर्गतच मंगळवारी आंदोलन करण्यात आले. यावेळी इंटक संघटनेचे विभागीय सचिव जे. एस. ढाकणे, विभागीय अध्यक्ष किरण कोल्हापुरे, प्रियानंद कर्णे, कृष्णा बनकर व सुरेश जाधव यांच्या नेतृत्वात हे आंदोलन करण्यात आले.
विभागीय कार्यशाळेच्या प्रवेशद्वारावरही हे आंदोलन करण्यात आले. त्यात इंटकचे साहेबराव निकम, शेख तालेब, जगदीश जाधव, दत्ता कातारे, दिलीप राऊत, दादासाहेब नागरगोजे, विलास गायकवाड, बालाजी कालभीले, एच.पी. घाणवडकर, पी.एस.साठे, सुधाकर गायके आदींसह कामगार सहभागी झाले.
या आंदोलनाद्वारे कनिष्ठ वेतनश्रेणीतून नियमित श्रेणीत येताना ज्या कामगारांना १३ टक्के कराराचा फायदा देण्यात आलेला नाही, अशा कामगारांना हा फायदा देण्यात यावा. वर्ष २००० ते २०१२ पर्यंत ज्या कर्मचाऱ्यांनी कनिष्ठ वेतनश्रेणीत तीन वर्षांपेक्षा जास्त व पाच वर्ष अथवा त्याहून अधिक सेवा पूर्ण केली आहे, अशा कर्मचाऱ्यांना वेतनश्रेणी देऊन वेतन निश्चिती करण्यात यावी. चालक वाहक यांचे ड्युटी अलोकेशन संगणीकृत करावे, चालक वाहकांना संगणकीकृत रजा व्यवस्थापन लागू करावे, अशा मागण्यांचे निवेदन विभागीय कार्यशाळेच्या व्यवस्थापकांना यावेळी देण्यात आले.
इंटक कामगारांचे 'धरणे आंदोलन'
म. टा. प्रतिनिधी, औरंगाबाद
सातवा वेतन आयोग लागू करण्याच्या मागणीसाठी इंटक संघटनेच्या वतीने शहरातील विभाग नियंत्रक कार्यालयासमोर, विभागीय कार्यशाळेच्या प्रवेशद्वारासमोर धरणे आंदोलन करण्यात आले.
एसटी वर्कर्स काँग्रेस (इंटक) संघटनेच्या वतीने राज्यव्यापी संघर्ष यात्रा काढण्यात आली होती. ९ ऑगस्ट ते १५ ऑगस्ट दरम्यान आगार पातळीवर जागृती आंदोलन करण्यात आले. त्याअंतर्गतच मंगळवारी आंदोलन करण्यात आले. यावेळी इंटक संघटनेचे विभागीय सचिव जे. एस. ढाकणे, विभागीय अध्यक्ष किरण कोल्हापुरे, प्रियानंद कर्णे, कृष्णा बनकर व सुरेश जाधव यांच्या नेतृत्वात हे आंदोलन करण्यात आले.
विभागीय कार्यशाळेच्या प्रवेशद्वारावरही हे आंदोलन करण्यात आले. त्यात इंटकचे साहेबराव निकम, शेख तालेब, जगदीश जाधव, दत्ता कातारे, दिलीप राऊत, दादासाहेब नागरगोजे, विलास गायकवाड, बालाजी कालभीले, एच.पी. घाणवडकर, पी.एस.साठे, सुधाकर गायके आदींसह कामगार सहभागी झाले.
या आंदोलनाद्वारे कनिष्ठ वेतनश्रेणीतून नियमित श्रेणीत येताना ज्या कामगारांना १३ टक्के कराराचा फायदा देण्यात आलेला नाही, अशा कामगारांना हा फायदा देण्यात यावा. वर्ष २००० ते २०१२ पर्यंत ज्या कर्मचाऱ्यांनी कनिष्ठ वेतनश्रेणीत तीन वर्षांपेक्षा जास्त व पाच वर्ष अथवा त्याहून अधिक सेवा पूर्ण केली आहे, अशा कर्मचाऱ्यांना वेतनश्रेणी देऊन वेतन निश्चिती करण्यात यावी. चालक वाहक यांचे ड्युटी अलोकेशन संगणीकृत करावे, चालक वाहकांना संगणकीकृत रजा व्यवस्थापन लागू करावे, अशा मागण्यांचे निवेदन विभागीय कार्यशाळेच्या व्यवस्थापकांना यावेळी देण्यात आले.