आमिष दाखवत ट्रॅक्टर लांबवला

आमिष दाखवत ट्रॅक्टर लांबवला
म. टा. प्रतिनिधी, औरंगाबाद
‘तुमच्या ट्रॅक्टरला शेतीचे काम मिळवून देतो’ असे सांगत शेतकऱ्याचा ट्रॅक्टर एकाने लांबवला. मार्च महिन्यात आसेगाव येथे हा प्रकार घडला असून दौलताबाद पोलिस ठाण्यात संशयित आरोपीविरुद्ध फसवणूकीचा गुन्हा दाखल करण्यात आला आहे.
पंढरीनाथ बाबुराव जाधव (वय ५५, रा. आसेगाव) या शेतकऱ्याकडे स्वतःचा ट्रॅक्टर आहे. मार्च महिन्यात त्यांचा परिचयाचा असलेला आरोपी विलास नवनाथ गवळी (रा. शिवराई, ता. गंगापूर) हा त्यांच्याकडे आला होता. तुमच्या ट्रॅक्टरला शेतीची कामे मिळवून देतो, अशी थाप मारत त्याने ट्रॅक्टर सोबत नेले. या ट्रॅक्टरची त्याने नंतर परस्पर विक्री केली. हा प्रकार जाधव यांना नुकताच समजला. याप्रकरणी त्यांनी सोमवारी पोलिस ठाणे गाठून आरोपी गवळी विरुद्ध गुन्हा दाखल केला. जमादार चव्हाण याप्रकरणी तपास करीत आहेत.