ढोलपथकाच्या पेहरावाचे आकर्षण
म. टा. प्रतिनिधी, औरंगाबाद
दसरा दिवाळी असो की, गणेशोत्सव पारंपरिक वेशभूषा करून सण साजरा करण्याचा ट्रेंड वाढला आहे. ‘फेस्टीव्ह बोनान्झा’ किंवा ‘फेस्टिव्ह मूड’ साजरा करण्यासाठी आजकाल तरुणाई सर्वात पुढे असते. युवा मंडळी आता भारतीय पेहरावातील काही प्रकारांमधील कुर्ता व चुस्त पायजमा घालून गणेशोत्सव साजरा करताना दिसत आहेत. विशेषत: ढोलपथकातील सर्व सदस्य एकाच पेहरावात दिसावे आणि रंगसंगत साधली जावी याकडे कटाक्ष देत आहेत.
१ ते ५ वयोगटातील लहानमुलांचे कुर्ते असो किंवा ५ ते ४० वयोगटातील कोणत्याही माणसाचे कोणत्याही साईजमधील कुर्ते सध्या औरंगाबादमध्ये चर्चेचा विषय ठरले आहेत. कुर्ते घालून ढोलपथकात ही कुर्तेधारी मंडळी लक्ष वेधून घेत आहेत. या कुर्ते पायजम्याची शहरात चर्चा असून कार्तिक कुलवाल या युवकाने या कुर्त्याचे ब्रॅँडनेमच तयार केले आहे. त्याच्या पारंपरिक कुर्ता-पायजम्याची ओळख एवढी वाढली आहे की, शहरातील सुमारे २० ढोलपथकातील २४०० मुलांनी आणि २ महिला पथकातील सुमारे २०० हून अधिक महिलांनी कुर्ते पायजमे या कार्तिक कुलवाल कडून शिऊन घेतले आहेत. सिझनेबल बिझनेस म्हणून या युवकाने इव्हेंट आपल्या पद्धतीने साजरा केला. त्याचे कुर्ते पायजमे स्वस्त आणि मस्त असल्याने युवावर्गही ते खरेदी करत आहे. सातारा परिसरातील वृंदावन कॉलनीतील या मुलाने आपले छोटेसे दालन केले आहेत.
गणेशोत्सवातील विसर्जन मिरवणुकीसाठी ढोलपथकांनी खास त्याच्याकडून कुर्ते पायजमे शिऊन घेतले आहेत. कार्तिकसोबत त्याचे २ पार्टनर असून ते या व्यवसायातून भारतीय परंपरा आणि सणांची परंपरा टिकवून ठेवण्यात समाजाला विशेषत: युवावर्गाला प्रेरित करत आहेत. द अर्बन क्रॉनिकल या नावाने या ब्रँडचे नाव त्याने विकसित केले आहे. लहानमुलांचे २५० आणि मोठ्या माणसांचे कोणत्याही साईजमधील कुर्ते पायजमे ३५० रुपयांत मिळणे ही सध्या वेगळी बाब ठरली आहे. काहीही असले तरी युवावर्गाने या निमित्ताने स्वत:च व्यवसाय शोधला असून यात युवावर्गाचेच भले करत परंपराही जपण्याचा वसा घेतला आहे हे काही थोडे थोडके नाही.
म. टा. प्रतिनिधी, औरंगाबाद
दसरा दिवाळी असो की, गणेशोत्सव पारंपरिक वेशभूषा करून सण साजरा करण्याचा ट्रेंड वाढला आहे. ‘फेस्टीव्ह बोनान्झा’ किंवा ‘फेस्टिव्ह मूड’ साजरा करण्यासाठी आजकाल तरुणाई सर्वात पुढे असते. युवा मंडळी आता भारतीय पेहरावातील काही प्रकारांमधील कुर्ता व चुस्त पायजमा घालून गणेशोत्सव साजरा करताना दिसत आहेत. विशेषत: ढोलपथकातील सर्व सदस्य एकाच पेहरावात दिसावे आणि रंगसंगत साधली जावी याकडे कटाक्ष देत आहेत.
१ ते ५ वयोगटातील लहानमुलांचे कुर्ते असो किंवा ५ ते ४० वयोगटातील कोणत्याही माणसाचे कोणत्याही साईजमधील कुर्ते सध्या औरंगाबादमध्ये चर्चेचा विषय ठरले आहेत. कुर्ते घालून ढोलपथकात ही कुर्तेधारी मंडळी लक्ष वेधून घेत आहेत. या कुर्ते पायजम्याची शहरात चर्चा असून कार्तिक कुलवाल या युवकाने या कुर्त्याचे ब्रॅँडनेमच तयार केले आहे. त्याच्या पारंपरिक कुर्ता-पायजम्याची ओळख एवढी वाढली आहे की, शहरातील सुमारे २० ढोलपथकातील २४०० मुलांनी आणि २ महिला पथकातील सुमारे २०० हून अधिक महिलांनी कुर्ते पायजमे या कार्तिक कुलवाल कडून शिऊन घेतले आहेत. सिझनेबल बिझनेस म्हणून या युवकाने इव्हेंट आपल्या पद्धतीने साजरा केला. त्याचे कुर्ते पायजमे स्वस्त आणि मस्त असल्याने युवावर्गही ते खरेदी करत आहे. सातारा परिसरातील वृंदावन कॉलनीतील या मुलाने आपले छोटेसे दालन केले आहेत.
गणेशोत्सवातील विसर्जन मिरवणुकीसाठी ढोलपथकांनी खास त्याच्याकडून कुर्ते पायजमे शिऊन घेतले आहेत. कार्तिकसोबत त्याचे २ पार्टनर असून ते या व्यवसायातून भारतीय परंपरा आणि सणांची परंपरा टिकवून ठेवण्यात समाजाला विशेषत: युवावर्गाला प्रेरित करत आहेत. द अर्बन क्रॉनिकल या नावाने या ब्रँडचे नाव त्याने विकसित केले आहे. लहानमुलांचे २५० आणि मोठ्या माणसांचे कोणत्याही साईजमधील कुर्ते पायजमे ३५० रुपयांत मिळणे ही सध्या वेगळी बाब ठरली आहे. काहीही असले तरी युवावर्गाने या निमित्ताने स्वत:च व्यवसाय शोधला असून यात युवावर्गाचेच भले करत परंपराही जपण्याचा वसा घेतला आहे हे काही थोडे थोडके नाही.