ज्ञानार्जन करून समाजाचे ऋण फेडा - प्रा. वसंत कुंभोजकर

ज्ञानार्जन करून समाजाचे ऋण फेडा - प्रा. वसंत कुंभोजकर
विश्व ब्राह्मण सेवाभावीसंस्थेतर्फे २२ विद्यार्थ्यांना आर्थिक मदत
म. टा. प्रतिनिधी, औरंगाबाद
ज्ञानार्जन करून समाजाचे ऋण फेडा समाजाची साथ द्या, असे आवाहन ज्येष्ठ शिक्षणतज्ज्ञ व विचारवंत प्रा. वसंत कुंभोजकर यांनी केले. विश्व ब्राह्मण सेवाभावी संस्थेतर्फे २२ विद्यार्थ्यांना नुकतीच आर्थिक मदत करण्यात आली. या मदतीचे वितरण करताना आयोजित करण्यात आलेल्या कार्यक्रमात कुंभोजकर बोलत होते.
सरस्वती भुवन शिक्षण संस्थेच्या गोविंदभाई श्रॉफ ललित कला अकादमीत झालेल्या कार्यक्रमात २२ विद्यार्थ्यांना आर्थिक मदत करण्यात आली. यावेळी व्यासपीठावर प्रमुख पाहुणे म्हणून ज्ञानप्रबोधिनी पुणे या संस्थेचे सचिव सुभाष देशपांडे, अध्यक्षस्थानी राघवेंद्र जोशी उपस्थित होते. यावेळी कुंभोजकर म्हणाले, प्रत्येक गरजु विद्यार्थ्याला शिक्षक आणि समाजाने वेळोवेळी मार्गदर्शन केले पाहिजे, त्या अभावी कुचंबणा होणार नाही त्याची दक्षता घ्यावी. ‘विद्यार्थ्यांना शालेय शिक्षणासोबतच दैनंदिन कामाकाजामध्ये उपयुक्त शिक्षण मिळाले पाहिजे. त्यासाठी आमची संस्था विश्व ब्राह्मण सेवाभावी संस्थेसोबत काम करण्यास तयार आहोत’ असे सुभाष देशपांडे यांनी सांगितले. अध्यक्षीय समारोप करताना राघवेंद्र जोशी म्हणाले, ‘तरुण वर्गाने त्यांच्या पाल्यांना उद्योगधंद्यांसाठी प्रवृत्त करावे, उद्योगधंद्याविषयीची अनास्था दूर करावी. यावेळी विवेकानंद अकादमीचे संचालक अनिरूद्ध कुलकर्णी आणि डॉ. आशिष पाथ्रीकर मुंबई यांनी विशेष अर्थसहाय्य केले. सूत्रसंचालन महेश वैद्य यांनी केले. आभार सूर्यकांत पाठक यांनी मानले. कार्यक्रम यशस्वीतेसाठी सुरेश देशपांडे, विजय श्रीकांत, शरद बावस्कर, दत्ता देशपांडे, रमेश पाथ्रीकर, प्रकाश वझरकर यांनी परिश्रम घेतले.