आयुष्याची पहिली कॉपी म्हणजे हास्य
म. टा. प्रतिनिधी, औरंगाबाद
सोशल नेटवर्किंगच्या जगात आपण आनंदी असण्याचे निव्वळ मुखवटे घालून मिरवतो. हसण्याची, आनंदी राहण्याची औपचारिकता पूर्ण करता करता आपले संवाद 'बरं आहे', 'ठीक आहे' वरच खुंटले. हसण्याची कला आपण हरवून बसलो. लोक व्यसनांना घाबरत नाही. मग आपण हसताना का घाबरायचे? नुकतेच जन्मलेले बाळ आपण हसतो, म्हणून हसते. मग आयुष्यातली ही पहिली कॉपी आपण सतत करायलाच हवी. कारण जी हसतात ती माणसं, जी हसत नाही ती जनावरं...तेव्हा हसा व हसत रहा हा हास्यमंत्र महिलांना मिळाला.
विनोदी कलाकार मकरंद टिल्लू (पुणे ) यांच्या हास्यकल्लोळ कार्यक्रमाने महिलांना हसण्याची कला शिकवली. उपस्थित महिलाही या कार्यक्रमात नुसत्या हसल्याच नाही तर पोट धरून हासल्या. जैनम महिला मंचतर्फे मंगळवारी कुंभारवाड्यातील महावीर भवन येथे कार्यक्रम घेण्यात आला. यावेळी घनश्याम मुनिजी महाराज, भाजपा महिला आघाडीच्या अध्यक्ष मनिषा भन्साळी, जैनमच्या संस्थापक भारती बागरेचा, अध्यक्ष भावना सेठीया, कविता अजमेरा आदी उपस्थित होत्या. टिल्लू यांनी हास्यकल्लोळचे दोन हजारांपेक्षा जास्त प्रयोग केले आहेत. त्यांनी कार्यक्रमाची सुरुवातच हास्यापासून करत हसण्याचे विविध प्रकार दाखवले. हसण्याचे व्यायाम, हसण्यामुळे होणारे फायदे, आजच्या धकाधकीच्या जीवनात हास्यक्लबचे महत्त्व सांगताना त्यांनी हास्य हे उत्तम दान आहे, असेही सांगितले. यावेळी मधू छाजेड, प्रेमा भन्साळी यांच्यासह जैनमच्या मंगल पारख, मंगला गोसावी, सरोज काला, करुणा साहुजी, सरोज काला, विद्या खिंवसरा, कमलाबाई ओस्तवाल, सुषमा साहुजी आदी उपस्थित होत्या.
म. टा. प्रतिनिधी, औरंगाबाद
सोशल नेटवर्किंगच्या जगात आपण आनंदी असण्याचे निव्वळ मुखवटे घालून मिरवतो. हसण्याची, आनंदी राहण्याची औपचारिकता पूर्ण करता करता आपले संवाद 'बरं आहे', 'ठीक आहे' वरच खुंटले. हसण्याची कला आपण हरवून बसलो. लोक व्यसनांना घाबरत नाही. मग आपण हसताना का घाबरायचे? नुकतेच जन्मलेले बाळ आपण हसतो, म्हणून हसते. मग आयुष्यातली ही पहिली कॉपी आपण सतत करायलाच हवी. कारण जी हसतात ती माणसं, जी हसत नाही ती जनावरं...तेव्हा हसा व हसत रहा हा हास्यमंत्र महिलांना मिळाला.
विनोदी कलाकार मकरंद टिल्लू (पुणे ) यांच्या हास्यकल्लोळ कार्यक्रमाने महिलांना हसण्याची कला शिकवली. उपस्थित महिलाही या कार्यक्रमात नुसत्या हसल्याच नाही तर पोट धरून हासल्या. जैनम महिला मंचतर्फे मंगळवारी कुंभारवाड्यातील महावीर भवन येथे कार्यक्रम घेण्यात आला. यावेळी घनश्याम मुनिजी महाराज, भाजपा महिला आघाडीच्या अध्यक्ष मनिषा भन्साळी, जैनमच्या संस्थापक भारती बागरेचा, अध्यक्ष भावना सेठीया, कविता अजमेरा आदी उपस्थित होत्या. टिल्लू यांनी हास्यकल्लोळचे दोन हजारांपेक्षा जास्त प्रयोग केले आहेत. त्यांनी कार्यक्रमाची सुरुवातच हास्यापासून करत हसण्याचे विविध प्रकार दाखवले. हसण्याचे व्यायाम, हसण्यामुळे होणारे फायदे, आजच्या धकाधकीच्या जीवनात हास्यक्लबचे महत्त्व सांगताना त्यांनी हास्य हे उत्तम दान आहे, असेही सांगितले. यावेळी मधू छाजेड, प्रेमा भन्साळी यांच्यासह जैनमच्या मंगल पारख, मंगला गोसावी, सरोज काला, करुणा साहुजी, सरोज काला, विद्या खिंवसरा, कमलाबाई ओस्तवाल, सुषमा साहुजी आदी उपस्थित होत्या.