वाहतुकीस अडथळा ठरणाऱ्या ७४ जणांवर गुन्हे दाखल

वाहतुकीस अडथळा ठरणाऱ्या ७४ जणांवर गुन्हे दाखल
रिक्षाचालक, हातगाडीधारकांचा समावेश
म. टा. प्रतिनिधी, औरंगाबाद
वाहतुकीस अडथळा ठरणाऱ्या ७४ जणांवर पोलिसांनी जंबो कारवाई करीत गुन्हे दाखल केले. क्रांतिचौक, सातारा, जवाहरनगर, सिडको, मुकुंदवाडी, जिन्सी पोलिसांनी ही कारवाई केली. या कारवाईत मोठ्या प्रमाणावर रिक्षाचालक व हातगाडीधारकांचा समावेश होता.
काही दिवसांपासून शहरात बेशिस्तपणे व वाहतुकीस अडथळा ठरणारे वाहनधारक, फेरीवाले, रस्त्यावर सामान विक्री करणारे विक्रेते यांच्यावर कारवाईची मोहीम सुरू करण्यात आली आहे. गेल्या दोन दिवसात पोलिसांनी ही मोहीम मोठ्या प्रमाणावर राबवली. यामध्ये तब्बल ७४ जणांवर गुन्हे दाखल करण्यात आले. गुन्हे दाखल झालेल्यांमध्ये आसेफ जफर कुरेशी, शुभम गोविंद राजपूत, शेख अजिम शेख चांद, शेख सलिम शेख रशीद सय्यद आरेफ सय्यद मुन्शी, समीर शेख, शकील काजी, ईलियास खान बद्रोद्दीन बागवान, रिजोद्दीन खतीब, केशवराव मोरे, राजू ठोंबरे, विलास काळे, महम्मद उस्मान खान, जाकेर शेख, महम्मद आसिफ, महम्मद अन्सार निजामउद्दीन, शेख जफर शेख याकुब, शेख फिरोज शेख रोषन, दीपक गोदारा, नंदकिशोर चोपडा, रामधन चव्हाण, रामेश्वर काथार, रमेश काथार, पंढरीनाथ बागूल, कार्तिक तांगडे, आकाश गायकवाड यांच्यासह इतरांचा समावेश आहे. टीव्ही सेंटर, गजानन महाराज चौक, रेल्वे स्टेशन, गारखेडा, सातारा परिसरात ही मोहीम राबवण्यात आली.
पोलिसांनी गुन्हे दाखल केलेल्यांची संख्या
हातगाडीधारक - ३२
रिक्षाचालक - २५
रस्त्यावर सामान विकणारे - ९
आयशर ट्रक, टेंपो, छोटा हत्ती, लोडींग रिक्षा - ८