बिर्याणीवरून वाद;
हॉटेलचालकास भोसकले
म. टा. प्रतिनिधी, औरंगाबाद
बिर्याणी न दिल्याने संतप्त झालेल्या चारजणांनी एका हॉटेलचालकावर चाकूने वार करत जखमी केले. टीव्ही सेंटर येथील मोना बिअर बारसमोर १७ जानेवारी रोजी रात्री दहा वाजेच्या सुमारास ही घटना घडली.
मिलिंद साबळे (रा. सिद्धार्थ नगर एन बारा, हडको) असे फिर्यादीचे नाव आहे. मिलिंद हे टीव्ही सेंटर परिसरात बिर्याणीची गाडी लावतात. रोहन कुटील, संदीप दांडगे, गणेश गुप्ता व नीलेश राऊत हे चौघे मिलिंद यांच्या गाडीवर बिर्याणी खाण्यासाठी गेले होते, परंतु ते दारुच्या नशेत असल्याने मिलिंद यांनी त्यांना बिर्याणी दिली नाही. त्यामुळे संतप्त झालेल्या रोहन व त्याच्या साथीदारांनी गल्ल्यातून पैसे काढले तसेच चाकूने वार करत जखमी केले. जिवे मारण्याची धमकी दिली, असे मिलिंद यांनी तक्रारीत नमूद केले आहे. अधिक तपास सिडको पोलिस करत आहेत.
हॉटेलचालकास भोसकले
म. टा. प्रतिनिधी, औरंगाबाद
बिर्याणी न दिल्याने संतप्त झालेल्या चारजणांनी एका हॉटेलचालकावर चाकूने वार करत जखमी केले. टीव्ही सेंटर येथील मोना बिअर बारसमोर १७ जानेवारी रोजी रात्री दहा वाजेच्या सुमारास ही घटना घडली.
मिलिंद साबळे (रा. सिद्धार्थ नगर एन बारा, हडको) असे फिर्यादीचे नाव आहे. मिलिंद हे टीव्ही सेंटर परिसरात बिर्याणीची गाडी लावतात. रोहन कुटील, संदीप दांडगे, गणेश गुप्ता व नीलेश राऊत हे चौघे मिलिंद यांच्या गाडीवर बिर्याणी खाण्यासाठी गेले होते, परंतु ते दारुच्या नशेत असल्याने मिलिंद यांनी त्यांना बिर्याणी दिली नाही. त्यामुळे संतप्त झालेल्या रोहन व त्याच्या साथीदारांनी गल्ल्यातून पैसे काढले तसेच चाकूने वार करत जखमी केले. जिवे मारण्याची धमकी दिली, असे मिलिंद यांनी तक्रारीत नमूद केले आहे. अधिक तपास सिडको पोलिस करत आहेत.