सदाचारच्या वर्धापन दिनास गुणदर्शनाचे कोंदण

सदाचारच्या वर्धापन दिनास गुणदर्शनाचे कोंदण
ज्येष्ठ नागरिकांचा उत्साह शिगेला
म. टा. प्रतिनिधी, औरंगाबाद
सदाचार संवर्धक ज्येष्ठ नागरिक संस्थेच्या २३ व्या वर्धापन दिनानिमित्त ज्येष्ठ नागरिकांनी उत्कृष्ट कार्यक्रम घेतले. वय विसरून यंग सिनीअर्स सर्व खेळांमध्ये सहभागी झाले. चेतक घोडा परिसरातील श्रीराम मंदिरामध्ये आयोजित समारोप कार्यक्रमामध्ये विजेत्यांचा गौरव, सभासदांचे वाढ‌दिवस व संस्‍थेच्या सेवेबद्दल सभासदांचा गौरव करण्यात आला.
अध्यक्षस्‍थानी मंडळाचे अध्यक्ष अविनाश देशपांडे होते. प्रमुख पाहुणे डॉ. नरेंद्र वैद्य होते. यावेळी प्र. र. पानसे व श्रीकांत देशपांडे या सभासदांना संस्थेच्या सेवाभावी पुरस्काराने गौरवण्यात आले. तसेच जग्गनाथराव कुलकर्णी व सुधा कुलकर्णी या जोडप्याचा सत्कार करण्यात आला. कार्यक्रमाच्या यशस्वितेसाठी उपाध्यक्ष अशोक भालगावंकर, सचिव अनिल चौधरी, कोषाध्यक्ष मधुकर देशपांडे, सहसचिव प्रकाश कुलकर्णी, मधुसुदन कुलकर्णी, शशिकांत शास्त्री, बाळासाहेब देशपांडे, स्मिता शानू, कलावती उबाळे, विभा देशपांडे आदींनी परिश्रम घेतले.
स्पर्धांमध्ये रमले सदस्यः
१९ जानेवारीला भल्यापहाटे चालण्याच्या स्पर्धेत तर दुपारी मैदानी खेळांमध्ये ज्येष्ठ नागरिक रमले होते. उल्का नगरीतील ओंकारेश्वर मंदिर ते विभागीय क्रीडा संकुल असा चालण्याच्या मार्ग असलेल्या स्पर्धेत २९ स्पर्धक सहभागी झाले. दुपारी साडे तीन वाजता श्रीराम मंदिरामध्ये बकेट बॉल, डोळ्यांना पट्टी बांधून ‌टिकली चिटकवणे, शाब्दिक खेळ व उच्चाराप्रमाणे अभिनय हे खेळ घेण्यात आले. २० जानेवारीला विविध गुणदर्शन स्पर्धा घेण्यात आली.

स्पर्धेतील विजेती - चालण्याची स्पर्धा

६० ते ७० वय - अनिल कुलकर्णी व श्रीकांत देशपांडे

७० च्या पुढे - कमलाकर देवळीकर व सुधाकर तुळापूरकर

महिला - ६० ते ७० - शोभा जोशी व जान्हवी देशपांडे

७० च्या पुढे - सुनंदा राडीकर व सुधा देशपांडे

बकेट बॉल

बी. टी. देशपांडे व लक्ष्मणराव भालेराव

महिला - शोभा जोशी व रजनी दसगावकर

‌‌टिकली लावणे

विजया शास्‍त्री

शब्द कौशल्य

दयाराम सोमवंशी व कमलाकर देवडीकर

महिला - अरुणा देशपांडे व सुनंदा जोशी

अभिनय - विजया देऊळगांवकर व वैशाली जवळीकर

पाककला - मालती ‌बिनीवाले (ब्रेडची शाही रबडी)

जान्हवी देशपांडे - (ब्रेडचा शिरा)