सीएमआयएतर्फे चार विषयांवर मार्गदर्शन कार्यशाळा

सीएमआयएतर्फे चार विषयांवर मार्गदर्शन कार्यशाळा
म. टा. प्रतिनिधी, औरंगाबाद
उद्योगांशी संबंधित चार महत्वाच्या घटकांवर चेंबर ऑफ मराठवाडा इंडस्ट्रिज अँड अॅग्रीकल्चर (सीएमआयए) च्या वतीने मार्गदर्शन कार्यशाळेचे आयोजन करण्यात आले आहे.
रेल्वेस्टेशन एमआयडीसीतील सीएमआयए हॉलमध्ये १८ ते २२ फेब्रुवारी दरम्यान या कार्यशाळा होतील. १८ फेब्रुवारी रोजी सकाळी दहा ते सायंकाळी साडेपाच यावेळेत उर्जा बचत विषयावर कार्यशाळा होईल. २० फेब्रुवारी रोजी सकाळी दहा ते साडेपाच या वेळेत प्रभावी निर्णयक्षमता, २१ फेब्रुवारी रोजी ऑफिस इटीक्वेट, २२ फेब्रुवारी रोजी गुणवत्तापूर्व भरती या विषयावर सकाळी दहा ते साडेपाच या वेळेत मार्गदर्शन कार्यशाळा होईल.
एनर्जी ऑडिटची तत्वे सांगताना संकल्पना, हेतू, प्रकार, पद्धती, अहवाल कसा तयार करावा? याची माहिती दिली जाईल. निर्णय घेताना अडचण सोडविण्याची पद्धती, मूळ कारणाचे विश्लेषण, बहुपर्याय विकसित करण्याची क्षमता, आणि निर्णयक्षमतेचे प्रकार यासंदर्भात प्रभावी निर्णयक्षमतेच्या कार्यशाळेत तज्ज्ञांकडून माहिती दिली जाईल. उद्योग, व्यवसायातील कार्यालयात प्रोफेशनलची कार्यपद्धती कशी असावी, संवाद कौशल्य याची माहिती कार्यशाळेतून मिळणार आहे.
भरतीप्रक्रियेविषयक कार्यशाळेत जॉब रोल्स, प्रश्नांची निवड, योग्य प्रश्नांचा साचेबद्ध करणे, केस स्टडीज याची माहिती दिली. या कार्यशाळेचा उद्योग, व्यावसायिकांनी लाभ घ्यावा, अधिक माहितीसाठी सीएमआयए कार्यालयाशी संपर्क साधावा, असे आवाहन संयोजकांनी केले आहे.