वीजबिल भरणा केंद्र २४ ते २६ ला सुरू राहणार

वीजबिल भरणा केंद्र २४ ते २६ ला सुरू राहणार
म. टा. प्रतिनिधी, औरंगाबाद :
थकीत वीजबिलांची वसुली करण्यासाठी पश्चिम महाराष्ट्रात महावितरणकडून महामोहीम सुरू असून थकबाकीदारांचा वीजपुरवठा खंडित करण्याची कारवाई सुरू आहे. त्यामुळे २४ ते २६ फेब्रुवारी रोजी सार्वजनिक सुटीच्या दिवशीही वीजबिल भरणा केंद्र सुरू राहणार आहेत.
वारंवार आवाहन करूनही वीजबिल न भरणाऱ्या ग्राहकांचा वीजपुरवठा खंडित करण्याची मोहीम अधिकच तीव्र व आक्रमक झालेली आहे. या मोहिमेमुळे चालू वीजबिलांचा किंवा थकबाकीचा भरणा करता यावा यासाठी औरंगाबाद व जालना जिल्ह्यांच्या शहरी व ग्रामीण भागातील महावितरणचे सर्व अधिकृत वीजबिल भरणा केंद्र सार्वजनिक सुटीच्या दिवशी म्हणजे २४ ते २६ फेब्रुवारी असे तीन दिवस सुरू राहणार आहेत.
थकबाकीदारांनी वीजपुरवठा खंडित करण्याची कटू कारवाई टाळण्यासाठी थकित वीजबिलांचा त्वरित भरणा करण्याचे आवाहन करण्यात आले आहे. चालू वीजबिलासह थकबाकीचा भरणा करण्यासाठी स्थानिक वीजबील भरणा केंद्र तसेच ऑनलाइन पेमेंटसाठी महावितरणची www.mahadiscom.in ही वेबसाईट तसेच मोबाईल अॅपचा पर्याय उपलब्ध आहे.