बालश्री निवड चाचणी एप्रिलमध्ये

बालश्री निवड चाचणी एप्रिलमध्ये
म. टा. प्रतिनिधी, औरंगाबाद
गरवारे कम्युनिटी सेंटरच्या वतीने आयोजित बालश्री स्पर्धेची निवड चाचणी एप्रिलमध्ये आयोजित करण्यात आली आहे. राष्ट्रीय बाल भवन, नवी दिल्लीने राष्ट्रीय बालश्री योजना सुरू केली असून मुलांमधील सृजनात्मक क्षमता हेरून त्यांना प्रोत्साहन देण्यासाठी दरवर्षी स्पर्धा घेण्यात येते. स्पर्धेची जिल्हास्तरीय निवड चाचणी गरवारे कम्युनिटी सेंटर, एन ७ येथे १६ ते १९ एप्रिल दरम्यान घेण्यात येईल.
बालश्री स्पर्धा जिल्हा, राज्य व राष्ट्रीय स्तरावर घेण्यात येते. १० ते १२, १२ ते १४ व १४ ते १६ या वयोगटांसाठी ही स्पर्धा असते. अंतिम स्पर्धा राष्ट्रीय स्तरावरची असल्याने मुले व पालकांमध्ये ही स्पर्धा लोकप्रिय आहे. निवड चाचणीसाठी ८ एप्रिलपर्यंत नावनोंदणी सुरू असून जिल्हास्तरीय स्पर्धेतून प्रत्येक विषयातील २० विद्यार्थ्यांची निवड करण्यात येईल. प्रवेशासाठी जन्मतारखेचे प्रमाणपत्र, आधारकर्डे व पासपोर्ट फोटो पाठविणे आवश्यक आहे. याविषयी १४ एप्रिलला दुपारी १ वाजता बैठक आयोजित करण्यात आली आहे, असे सेंटरचे संचालक सुनील सुतवणे यांनी केले सांगितले.
बालश्री स्पर्धेचे विषय
सृजनात्मक कला - चित्रकला, मूर्तिकला, हस्तकला, दृष्य कला डिझायनिंग, ग्र‌ाफिक्स, डिजिटल आर्ट
सृजनात्मक लेखन - कविता, ललित, कथा, नाट्य संवाद
सृजनात्मक प्रदर्शन कला - वाद्य संगीत, शास्त्रीय गायन, शास्त्रीय नृत्य, थिएटर ‌किंवा कठपुतली
विज्ञान नवीकरण - विज्ञान मॉडेल बनवणे, विज्ञान प्रकल्प, वैज्ञानिक प्रश्नांचे निरसन व वैज्ञानकि नवीकरण