गांधीनगरात पोलिसांचा फिक्स पॉइंट
अधिकाऱ्यांच्या बैठकीत तक्रारीचा भडीमार
म. टा. प्रतिनिधी, औरंगाबाद
गांधीनगर बहादूरपुरा नागरी कृती समितीच्या शिष्टमंडळाने मंगळवारी पोलिस आयुक्तांची भेट घेत तक्रारीचे निवेदन दिले. यानंतर रात्री पोलिस उपायुक्त वसंत परदेशी यांनी नागरिकांची भेट घेतली. यावेळी नागरिकांनी तक्रारीचा पाढा वाचला. या ठिकाणी तंबूच्या स्वरुपात फिक्स पॉइंट लावण्यात आला आहे.
गांधीनगर हा परिसर पूर्वीपासून संवेदनशील म्हणून ओळखला जातो. या भागात रविवारी रात्री चाकूचा धाक दाखवून एका १४ वर्षाच्या मुलीवर बलात्कार करण्यात आला. या घटनेमुळे नागरिकात संताप आहे. याठिकाणी अवैध दारू-गांजा विक्री, महिलांची छेडछाड आदी घटना सातत्याने होतात. बलात्काराच्या घटनेनंतरही आरोपीला अटक झाली नसल्याने नागरी कृती समितीच्या शिष्टमंडळाने मंगळवारी पोलिस आयुक्त अमितेशकुमार यांची भेट घेत तक्रारीचे निवेदन सादर केले. या निवेदानाची पोलिस आयुक्त अमितेशकुमार यांनी गंभीर दखल घेतली. त्यानंतर मंगळवारी रात्री पोलिस उपायुक्त वसंत परदेशी, क्रांतीचौक पोलिस ठाण्याचे पोलिस निरीक्षक धनंजय येरूळे यांनी नागरिकांची बैठक घेतली. या बैठकीली सुमारे २०० ते २५० नागरिक उपस्थित होते. या बैठकीत नागरिकांनी तक्रारी मांडल्या. उपायुक्त परदेशी यांनी नागरिकांना अवैध धंद्याविरुद्ध कारवाईचे आश्वासन दिले. बैठकीनंतर या परिसरात पोलिसांचा फिक्स पॉइंट तैनात करण्यात आला आहे.
पोलिसांवर आरोप
या परिसरातील नागरिकांचा क्रांतीचौक पोलिसांवर रोष आहे. येथील अवैध दारू विक्रेत्यांच्या घरी पोलिस येतात. त्यांच्याशी असलेल्या अर्थपूर्ण सबंधामुळे हे गुंड परिसरात सर्रास दादागिरी करतात. पोलिसांकडे तक्रार केल्यास ते तक्रार गांर्भीयाने घेत नाहीत. हेच गुंड अनेक वेळा पोलिस ठाण्यातही वावरताना दिसून येतात, असे आरोप नागरिकांनी केले.
अधिकाऱ्यांच्या बैठकीत तक्रारीचा भडीमार
म. टा. प्रतिनिधी, औरंगाबाद
गांधीनगर बहादूरपुरा नागरी कृती समितीच्या शिष्टमंडळाने मंगळवारी पोलिस आयुक्तांची भेट घेत तक्रारीचे निवेदन दिले. यानंतर रात्री पोलिस उपायुक्त वसंत परदेशी यांनी नागरिकांची भेट घेतली. यावेळी नागरिकांनी तक्रारीचा पाढा वाचला. या ठिकाणी तंबूच्या स्वरुपात फिक्स पॉइंट लावण्यात आला आहे.
गांधीनगर हा परिसर पूर्वीपासून संवेदनशील म्हणून ओळखला जातो. या भागात रविवारी रात्री चाकूचा धाक दाखवून एका १४ वर्षाच्या मुलीवर बलात्कार करण्यात आला. या घटनेमुळे नागरिकात संताप आहे. याठिकाणी अवैध दारू-गांजा विक्री, महिलांची छेडछाड आदी घटना सातत्याने होतात. बलात्काराच्या घटनेनंतरही आरोपीला अटक झाली नसल्याने नागरी कृती समितीच्या शिष्टमंडळाने मंगळवारी पोलिस आयुक्त अमितेशकुमार यांची भेट घेत तक्रारीचे निवेदन सादर केले. या निवेदानाची पोलिस आयुक्त अमितेशकुमार यांनी गंभीर दखल घेतली. त्यानंतर मंगळवारी रात्री पोलिस उपायुक्त वसंत परदेशी, क्रांतीचौक पोलिस ठाण्याचे पोलिस निरीक्षक धनंजय येरूळे यांनी नागरिकांची बैठक घेतली. या बैठकीली सुमारे २०० ते २५० नागरिक उपस्थित होते. या बैठकीत नागरिकांनी तक्रारी मांडल्या. उपायुक्त परदेशी यांनी नागरिकांना अवैध धंद्याविरुद्ध कारवाईचे आश्वासन दिले. बैठकीनंतर या परिसरात पोलिसांचा फिक्स पॉइंट तैनात करण्यात आला आहे.
पोलिसांवर आरोप
या परिसरातील नागरिकांचा क्रांतीचौक पोलिसांवर रोष आहे. येथील अवैध दारू विक्रेत्यांच्या घरी पोलिस येतात. त्यांच्याशी असलेल्या अर्थपूर्ण सबंधामुळे हे गुंड परिसरात सर्रास दादागिरी करतात. पोलिसांकडे तक्रार केल्यास ते तक्रार गांर्भीयाने घेत नाहीत. हेच गुंड अनेक वेळा पोलिस ठाण्यातही वावरताना दिसून येतात, असे आरोप नागरिकांनी केले.