गुलमंडीत दुकानाला आग
म. टा. प्रतिनिधी, औरंगाबाद
गुलमंडी भागातील पूजा साहित्य विक्री करणाऱ्या दुकानाला व गोदामास आग लागल्याची घटना गुरुवारी मध्यरात्री घडली. शॉर्टसर्कीटमुळे ही आग लागल्याचा अंदाज व्यक्त करण्यात आला असून या आगीमध्ये अंदाजे तीन लाखांचे नुकसान झाले आहे.
गुलमंडी भागातील सुपारी हनुमान मंदिराजवळ दत्तात्रय गाजबरे (रा. पुंडलिकनगर) यांचे कुमकूम सेंटर नावाने पुजेचे साहित्य विक्रीचे दुकान आहे. या दुकानाच्या मागे साहित्य ठेवण्याचे गोदाम आहे. दसरा दिवाळीनिमित्त गाजभरे यांनी नुकताच जास्त माल खरेदीसाठी भरला होता. गुरुवारी रात्री १२वाजेच्या सुमारास या दुकानातून धूर येत असल्याचे तेथील नागरिकांच्या लक्षात आले. तातडीने ही माहिती अग्निशमन दलाला देण्यात आली. गाजभरे यांना माहिती कळविल्यानंतर त्यांनी देखील दुकान गाठले. तेथील नागरिकांनी आग विझवण्यासाठी सहकार्य केले. सुरक्षिततेच्या दृष्टीने दुकानाच्या वर असलेले याडकीकर टॉवरमधील रहिवाशांना खाली बोलावून अपार्टमेंट रिकामे करण्यात आले. अग्निशमन दलाच्या जवानांनी तीन तासांत आग आटोक्यात आणली. सहायक पोलिस आयुक्त गोवर्धन कोळेकर हे देखील घटनास्थळी दाखल झाले. या आगीमध्ये दुकान व गोडावूनमधील अंदाजे तीन ते साडेतीन लाखांचे साहित्य जळाल्याने नुकसान झाले. इन्हर्टरमध्ये झालेल्या शॉर्टसर्कीटने आग लागल्याचा संशय व्यक्त करण्यात आला आहे. या प्रकरणी सिटीचौक पोलिस ठाण्यात नोंद करण्यात आली आहे.
म. टा. प्रतिनिधी, औरंगाबाद
गुलमंडी भागातील पूजा साहित्य विक्री करणाऱ्या दुकानाला व गोदामास आग लागल्याची घटना गुरुवारी मध्यरात्री घडली. शॉर्टसर्कीटमुळे ही आग लागल्याचा अंदाज व्यक्त करण्यात आला असून या आगीमध्ये अंदाजे तीन लाखांचे नुकसान झाले आहे.
गुलमंडी भागातील सुपारी हनुमान मंदिराजवळ दत्तात्रय गाजबरे (रा. पुंडलिकनगर) यांचे कुमकूम सेंटर नावाने पुजेचे साहित्य विक्रीचे दुकान आहे. या दुकानाच्या मागे साहित्य ठेवण्याचे गोदाम आहे. दसरा दिवाळीनिमित्त गाजभरे यांनी नुकताच जास्त माल खरेदीसाठी भरला होता. गुरुवारी रात्री १२वाजेच्या सुमारास या दुकानातून धूर येत असल्याचे तेथील नागरिकांच्या लक्षात आले. तातडीने ही माहिती अग्निशमन दलाला देण्यात आली. गाजभरे यांना माहिती कळविल्यानंतर त्यांनी देखील दुकान गाठले. तेथील नागरिकांनी आग विझवण्यासाठी सहकार्य केले. सुरक्षिततेच्या दृष्टीने दुकानाच्या वर असलेले याडकीकर टॉवरमधील रहिवाशांना खाली बोलावून अपार्टमेंट रिकामे करण्यात आले. अग्निशमन दलाच्या जवानांनी तीन तासांत आग आटोक्यात आणली. सहायक पोलिस आयुक्त गोवर्धन कोळेकर हे देखील घटनास्थळी दाखल झाले. या आगीमध्ये दुकान व गोडावूनमधील अंदाजे तीन ते साडेतीन लाखांचे साहित्य जळाल्याने नुकसान झाले. इन्हर्टरमध्ये झालेल्या शॉर्टसर्कीटने आग लागल्याचा संशय व्यक्त करण्यात आला आहे. या प्रकरणी सिटीचौक पोलिस ठाण्यात नोंद करण्यात आली आहे.