घाटीत १२.५ कोटींचे वसतिगृह, ग्रंथालय
‘डेंटल’च्या वसतिगृहाचे कामही वेगात; वसतिगृहासह ग्रंथालयात अत्याधुनिक सोयी-सुविधा
म. टा. प्रतिनिधी, औरंगाबाद
शासकीय वैद्यकीय महाविद्यालयाच्या (घाटी) पदव्युत्तर विद्यार्थ्यांसाठी घाटी परिसरातच सुसज्ज वसतिगृह उभे राहिले असून, त्यासाठी तब्बल साडेसात कोटी रुपये खर्च करण्यात आले आहे. त्याचवेळी पाच कोटी रुपये खर्चुन आधुनिक ग्रंथालयदेखील उभे राहिले आहे. दोन्ही इमारतींचे सर्व प्रकारचे बांधकाम पूर्ण झाले आहे आणि त्यासंबंधीचे हस्तांतरण पत्रही बांधकाम विभागाकडून घाटी प्रशासनाला देण्यात आले आहे. त्याचवेळी शासकीय दंत महाविद्यालयाच्या विद्यार्थ्यांसाठीचे रखडलेले वसतिगृहाचे काम वेगात सुरू झाले असून, येत्या दोन ते अडीच महिन्यात हे कामही पूर्ण होणार असल्याची चिन्हे आहेत.
दीर्घ प्रतिक्षेनंतर घाटीच्या पदव्युत्तर विद्यार्थ्यांसाठीचे वसतिगृह मार्गी लागले आहे. या वसतिगृहाचे बांधकाम अगदी रंगरंगोटीसह पूर्ण झाले आहे आणि एखाद्या सुसज्ज सदनिकांच्या कॉम्प्लेक्समध्ये आलो आहोत की काय असे वाटावे, असे या वसतिगृहाचे एकंदीत चित्र आहे. ‘मेडिसिन बिल्डिंग’समोरील भागात उभे राहिलेल्या या वसतिगृहामध्ये एकूण ९६ ब्लॉक्स आहेत. यातील प्रत्येक ब्लॉक स्वतंत्र आणि चकचकीत झाला आहे. एका ब्लॉकमध्ये एक हॉल, एक किचन व टॉयलेट-बाथरुम जोडून आहे. टॉयलेट-बाथरुमही आधुनिक सुविधांनी परिपूर्ण आहे. या एका ब्लॉकमध्ये सहज दोन पदव्युत्तर विद्यार्थी राहू शकतील, असा अंदाज आहे. त्यामुळे ९६ ब्लॉक्समध्ये १९२ विद्यार्थी राहण्याची सोय करण्यात आली आहे. सुमारे १५० विद्यार्थ्यांसाठी हे वसतिगृह असले तरी, विद्यार्थ्यांशिवाय इतर अधिकारी-कर्मचारी व महाविद्यालयाशी संबंधित व्यक्तींना राहण्याची सोय होऊ शकते. या वसतिगृहात साडेसात कोटी रुपये खर्च झाले आहेत. त्याशिवाय वसतिगृह परिसरात चारही दिशांनी मोकळी जागा आहे आणि स्वतंत्र कंपाऊंडही करण्यात आले आहे. गोरख चिंचेचे जुने झाड व जुनी विहीरही याच परिसरात असून, वेगवेगळ्या वृक्षांनी वसतिगृह अधिक आकर्षक करण्याचा प्रयत्न होणे अपेक्षित आहे.
‘शासकीय वैद्यकीय’च्या पदवीस्तरावरील व पदव्युत्तर विद्यार्थ्यांसाठी आधुनिक ग्रंथालयदेखील महाविद्यालयाच्या मागील परिसरात उभे राहिले आहे. ५ कोटी ७ लाख रुपये खर्चुन ग्रंथालय भव्य करण्याचा प्रयत्न करण्यात आल्याचे दिसून येते. जुन्या ग्रंथालयाच्या कितीतरी पटींनी नवीन ग्रंथालय भव्य व आधुनिक सुविधांनी परिपूर्ण करण्याचा प्रयत्न करण्यात आला आहे. दोन मजली ग्रंथालयामध्ये सहा मोठे हॉल आहेच; शिवाय हजारपेक्षा जास्त विद्यार्थी एकाचवेळी वसू शकतील अशा दोन भव्य जनरल हॉलची निर्मितीदेखील याच ग्रंथालयामध्ये करण्यात आली आहे. त्याशिवाय ‘डिजिटल लायब्ररी’च्या दृष्टीनेही ग्रंथालयामध्ये सोय करण्यात आली आहे. ग्रंथालयाचे कामही पूर्ण झाले असून, हस्तांतरण पत्रदेखील बांधकाम विभागाकडून महाविद्यालयाच्या प्रशासनाला सुपूर्द करण्यात आले आहे. काही किरकोळ कामानंतर दोन्ही इमारती विद्यार्थ्यांच्या सेवेत येऊ शकतील, अशी चिन्हे आहेत.
‘दंत’चे वसतिगृह पूर्णत्वाकडे
शासकीय दंत महाविद्यालयाच्या वसतिगृहाच्या रखडलेल्या कामाने वेग घेतला असून, केवळ पोर्चचे काम, रंगरंगोटीचे काम आणि इतर किरकोळ कामे बाकी आहेत. या वसतिगृहाचे कामदेखील येत्या फेब्रुवारी-मार्चपर्यंत पूर्ण होण्याची सुचिन्हे आहेत. मात्र या कामासाठी ९ कोटींपैकी मागच्या सहा वर्षांत केवळ ३ कोटी कोटी रुपयांचा निधी शासनाकडून प्राप्त झाला आहे. उर्वरित तीन कोटींचा निधी या वर्षी मंजूर झाला असला तरी अद्याप प्राप्त झालेला नसून, मार्चपर्यंत उपलब्ध होईल, अशी अपेक्षा आहे. खंडित स्वरुपात निधी मिळाल्यानेच सहा वर्षांत बांधकाम खंडित स्वरुपात होत गेले. या वसतिहामध्ये २४० विद्यार्थी-विद्यार्थिनींना राहण्याची सोय असेल. तसेच वॉर्डन, इतर अधिकारी-कर्मचारी-वॉचमन व इतरांसाठी काही खोल्या असणार आहेत. त्याशिवाय विद्यार्थ्यांना किचन-डायनिंगसाठी व छोट्या कार्यक्रमासाठी स्टेजची सुविधा या वसतिगृहात असणार आहे.
पीजी वसतिगृह व ग्रंथालयाचे काम पूर्ण झाले असून, हस्तांतरण पत्रदेखील घाटी प्रशासनाला सुपूर्द करण्यात आले आहे. ‘डेंटल’चे वसतिगृहदेखील येत्या दोन महिन्यांत पूर्ण होईल. निधीची अडचण येणार नाही.
– सय्यद के. एम. आय, सहाय्यक अभियंता, बांधकाम विभाग
‘डेंटल’च्या वसतिगृहाचे कामही वेगात; वसतिगृहासह ग्रंथालयात अत्याधुनिक सोयी-सुविधा
म. टा. प्रतिनिधी, औरंगाबाद
शासकीय वैद्यकीय महाविद्यालयाच्या (घाटी) पदव्युत्तर विद्यार्थ्यांसाठी घाटी परिसरातच सुसज्ज वसतिगृह उभे राहिले असून, त्यासाठी तब्बल साडेसात कोटी रुपये खर्च करण्यात आले आहे. त्याचवेळी पाच कोटी रुपये खर्चुन आधुनिक ग्रंथालयदेखील उभे राहिले आहे. दोन्ही इमारतींचे सर्व प्रकारचे बांधकाम पूर्ण झाले आहे आणि त्यासंबंधीचे हस्तांतरण पत्रही बांधकाम विभागाकडून घाटी प्रशासनाला देण्यात आले आहे. त्याचवेळी शासकीय दंत महाविद्यालयाच्या विद्यार्थ्यांसाठीचे रखडलेले वसतिगृहाचे काम वेगात सुरू झाले असून, येत्या दोन ते अडीच महिन्यात हे कामही पूर्ण होणार असल्याची चिन्हे आहेत.
दीर्घ प्रतिक्षेनंतर घाटीच्या पदव्युत्तर विद्यार्थ्यांसाठीचे वसतिगृह मार्गी लागले आहे. या वसतिगृहाचे बांधकाम अगदी रंगरंगोटीसह पूर्ण झाले आहे आणि एखाद्या सुसज्ज सदनिकांच्या कॉम्प्लेक्समध्ये आलो आहोत की काय असे वाटावे, असे या वसतिगृहाचे एकंदीत चित्र आहे. ‘मेडिसिन बिल्डिंग’समोरील भागात उभे राहिलेल्या या वसतिगृहामध्ये एकूण ९६ ब्लॉक्स आहेत. यातील प्रत्येक ब्लॉक स्वतंत्र आणि चकचकीत झाला आहे. एका ब्लॉकमध्ये एक हॉल, एक किचन व टॉयलेट-बाथरुम जोडून आहे. टॉयलेट-बाथरुमही आधुनिक सुविधांनी परिपूर्ण आहे. या एका ब्लॉकमध्ये सहज दोन पदव्युत्तर विद्यार्थी राहू शकतील, असा अंदाज आहे. त्यामुळे ९६ ब्लॉक्समध्ये १९२ विद्यार्थी राहण्याची सोय करण्यात आली आहे. सुमारे १५० विद्यार्थ्यांसाठी हे वसतिगृह असले तरी, विद्यार्थ्यांशिवाय इतर अधिकारी-कर्मचारी व महाविद्यालयाशी संबंधित व्यक्तींना राहण्याची सोय होऊ शकते. या वसतिगृहात साडेसात कोटी रुपये खर्च झाले आहेत. त्याशिवाय वसतिगृह परिसरात चारही दिशांनी मोकळी जागा आहे आणि स्वतंत्र कंपाऊंडही करण्यात आले आहे. गोरख चिंचेचे जुने झाड व जुनी विहीरही याच परिसरात असून, वेगवेगळ्या वृक्षांनी वसतिगृह अधिक आकर्षक करण्याचा प्रयत्न होणे अपेक्षित आहे.
‘शासकीय वैद्यकीय’च्या पदवीस्तरावरील व पदव्युत्तर विद्यार्थ्यांसाठी आधुनिक ग्रंथालयदेखील महाविद्यालयाच्या मागील परिसरात उभे राहिले आहे. ५ कोटी ७ लाख रुपये खर्चुन ग्रंथालय भव्य करण्याचा प्रयत्न करण्यात आल्याचे दिसून येते. जुन्या ग्रंथालयाच्या कितीतरी पटींनी नवीन ग्रंथालय भव्य व आधुनिक सुविधांनी परिपूर्ण करण्याचा प्रयत्न करण्यात आला आहे. दोन मजली ग्रंथालयामध्ये सहा मोठे हॉल आहेच; शिवाय हजारपेक्षा जास्त विद्यार्थी एकाचवेळी वसू शकतील अशा दोन भव्य जनरल हॉलची निर्मितीदेखील याच ग्रंथालयामध्ये करण्यात आली आहे. त्याशिवाय ‘डिजिटल लायब्ररी’च्या दृष्टीनेही ग्रंथालयामध्ये सोय करण्यात आली आहे. ग्रंथालयाचे कामही पूर्ण झाले असून, हस्तांतरण पत्रदेखील बांधकाम विभागाकडून महाविद्यालयाच्या प्रशासनाला सुपूर्द करण्यात आले आहे. काही किरकोळ कामानंतर दोन्ही इमारती विद्यार्थ्यांच्या सेवेत येऊ शकतील, अशी चिन्हे आहेत.
‘दंत’चे वसतिगृह पूर्णत्वाकडे
शासकीय दंत महाविद्यालयाच्या वसतिगृहाच्या रखडलेल्या कामाने वेग घेतला असून, केवळ पोर्चचे काम, रंगरंगोटीचे काम आणि इतर किरकोळ कामे बाकी आहेत. या वसतिगृहाचे कामदेखील येत्या फेब्रुवारी-मार्चपर्यंत पूर्ण होण्याची सुचिन्हे आहेत. मात्र या कामासाठी ९ कोटींपैकी मागच्या सहा वर्षांत केवळ ३ कोटी कोटी रुपयांचा निधी शासनाकडून प्राप्त झाला आहे. उर्वरित तीन कोटींचा निधी या वर्षी मंजूर झाला असला तरी अद्याप प्राप्त झालेला नसून, मार्चपर्यंत उपलब्ध होईल, अशी अपेक्षा आहे. खंडित स्वरुपात निधी मिळाल्यानेच सहा वर्षांत बांधकाम खंडित स्वरुपात होत गेले. या वसतिहामध्ये २४० विद्यार्थी-विद्यार्थिनींना राहण्याची सोय असेल. तसेच वॉर्डन, इतर अधिकारी-कर्मचारी-वॉचमन व इतरांसाठी काही खोल्या असणार आहेत. त्याशिवाय विद्यार्थ्यांना किचन-डायनिंगसाठी व छोट्या कार्यक्रमासाठी स्टेजची सुविधा या वसतिगृहात असणार आहे.
पीजी वसतिगृह व ग्रंथालयाचे काम पूर्ण झाले असून, हस्तांतरण पत्रदेखील घाटी प्रशासनाला सुपूर्द करण्यात आले आहे. ‘डेंटल’चे वसतिगृहदेखील येत्या दोन महिन्यांत पूर्ण होईल. निधीची अडचण येणार नाही.
– सय्यद के. एम. आय, सहाय्यक अभियंता, बांधकाम विभाग