बाजारसमितीत ज्वारी, बाजरीची आवक वाढली

बाजारसमितीत ज्वारी, बाजरीची आवक वाढली
म. टा. प्रतिनिधी, औरंगाबाद
उच्चतम कृषी उत्पन्न बाजार समिती औरंगाबाद जाधववाडी येथे गेल्या चार दिवसांपासून बाजरी आणि ज्वारीची आवक तिपटीने वाढली आहे. रोज सरासरी १५६ ते १६० क्विंटल बाजरी तर ५६ ते ६० क्विंकल ज्वारी येत आहे. शेतकरीवर्गाला याचा दिलासा आहे. अडत्यांनी बाजरीला ११२५ ते ११३० रुपये क्विंटल भाव दिला आहे. ज्वारीला १५०० ते २००० रुपये क्विंटल एवढा भाव मिळाला आहे.
गेल्या काही दिवसांपासून बुलढाणा, जालना, जळगाव, वैजापूर, औरंगाबाद जिल्हयासह काही प्रमाणात नाशिक-नगरहून ज्वारी, बाजरी आवक होत आहे. मराठवाडा आणि विदर्भातून आलेल्या अख्ख्या मुगालाही उच्च दर्जाचे मूग मानले जातात. रोज किमान १२५ क्विंटलहून अधिक माल येत आहे. बाजरीची आवक मराठवाड्यातून होत आहे. शेतकऱ्यांना बाजरीचा ११२५ ते ११३० रुपये क्विंटल एवढा भाव मिळाला आहे. बाजरीची व मुगाची आवक या सप्टेंबर महिन्यात वाढत असते, यानंतर ज्वारी आणि गहू काही प्रमाणात येणे सुरू होते.