म. टा. विशेष प्रतिनिधी, औरंगाबाद
अवमान याचिकेत नांदेडच्या उच्च शिक्षण सहसंचालकांना मुंबई हायकोर्टाच्या औरंगाबाद खंडपीठाचे न्या. संभाजी शिंदे व न्या. संगीतराव पाटील यांनी नोटीस बजावली.
प्रा. सूर्यकांत नलवाड यांनी याचिका दाखल केली होती. याचिकाकर्ते नलवाड हे ३१ मे २०१५ रोजी सेवा निवृत्त झाले. त्यांचे निवृत्ती वेतनाचे प्रकरण नागपूर येथील महालेखापरिक्षकांनी मंजूर केले. त्यानंतर २२ जुलै रोजी सहसंचालक डॉ. मोहन खताळ यांनी मंजूर केलेली वेतनवाढ निश्चिती रद्द करण्यात आली. त्यामुळे प्रा. सूर्यकांत नलवाड यांनी या आदेशाविरुद्ध खंडपीठात याचिका दाखल केली होती. न्यायालयाने सहसंचालकांचा निर्णय रद्द केला व सुनावणी घेऊन आठ आठवड्यात निर्णय घेण्याचा आदेश दिला, पण या निर्णयाची अंमलबजावणी न झाल्याने नलवाड यांनी अवमान याचिका दाखल केली. सुनावणीअंती कोर्टाने सहसंचालक डॉ. मोहन खताळ यांना अवमान याचिकेत नोटीस बजावली.
अवमान याचिकेत नांदेडच्या उच्च शिक्षण सहसंचालकांना मुंबई हायकोर्टाच्या औरंगाबाद खंडपीठाचे न्या. संभाजी शिंदे व न्या. संगीतराव पाटील यांनी नोटीस बजावली.
प्रा. सूर्यकांत नलवाड यांनी याचिका दाखल केली होती. याचिकाकर्ते नलवाड हे ३१ मे २०१५ रोजी सेवा निवृत्त झाले. त्यांचे निवृत्ती वेतनाचे प्रकरण नागपूर येथील महालेखापरिक्षकांनी मंजूर केले. त्यानंतर २२ जुलै रोजी सहसंचालक डॉ. मोहन खताळ यांनी मंजूर केलेली वेतनवाढ निश्चिती रद्द करण्यात आली. त्यामुळे प्रा. सूर्यकांत नलवाड यांनी या आदेशाविरुद्ध खंडपीठात याचिका दाखल केली होती. न्यायालयाने सहसंचालकांचा निर्णय रद्द केला व सुनावणी घेऊन आठ आठवड्यात निर्णय घेण्याचा आदेश दिला, पण या निर्णयाची अंमलबजावणी न झाल्याने नलवाड यांनी अवमान याचिका दाखल केली. सुनावणीअंती कोर्टाने सहसंचालक डॉ. मोहन खताळ यांना अवमान याचिकेत नोटीस बजावली.