सिटी बसचालकाला रिक्षाचालकाची मारहाण
बसच्या काचा फोडून नुकसान
म. टा. प्रतिनिधी, औरंगाबाद
सिटी बसचालकाला रिक्षाचालकाने बसमध्ये शिरून मारहाण करीत बसच्या काचा फोडून तोडफोड केली. शनिवारी सायंकाळी चिकलठाणा घाटी हॉस्पिटलजवळ हा प्रकार घडला. या प्रकरणी रिक्षाचालकाविरुद्ध सिडको एमआयडीसी पोलिस ठाण्यात शासकीय कामात अडथळा निर्माण केल्याप्रकरणी गुन्हा दाखल करण्यात आला आहे.
रामेश्वर विठोबा काळे (रा. हनुमाननगर) हा आगार क्रमांक १ येथे सिटी बसवर चालक म्हणून कार्यरत आहे. काळे शनिवारी सायंकाळी पाच वाजता चिकलठाणा येथील घाटी हॉस्पिटलजवळून त्यांची बस वळवत होते. यावेळी समोर उभ्या असलेल्या रिक्षामुळे बसला वळण घेण्यास अडचण निर्माण होत होती. त्यांनी समोरील रिक्षाचालकांना रिक्षा बाजुला घेण्यास सांगितली. यावेळी रिक्षा (क्रमांक एमएच २० डीसी ४४२१) चा चालक याने काळे यांच्या बसमध्ये प्रवेश केला. काळे यांना शिवीगाळ करीत त्याने ड्रेसची कॉलर फाडली. तसेच त्यांना मारहाण केली. यानंतर या रिक्षाचालकाने बसच्या काचा फोडून नुकसान केले. याप्रकरणी काळे यांच्या तक्रारीवरून या रिक्षाचालकाविरुद्ध पोलिस ठाण्यात शासकीय कामात अडथळा निर्माण करणे, शासकीय मालमत्तेचे नुकसान करणे, मारहाण आदी कलमानुसार गुन्हा दाखल करण्यात आला आहे. पोलिस नाईक कोलते याप्रकरणी तपास करीत आहेत.
बसच्या काचा फोडून नुकसान
म. टा. प्रतिनिधी, औरंगाबाद
सिटी बसचालकाला रिक्षाचालकाने बसमध्ये शिरून मारहाण करीत बसच्या काचा फोडून तोडफोड केली. शनिवारी सायंकाळी चिकलठाणा घाटी हॉस्पिटलजवळ हा प्रकार घडला. या प्रकरणी रिक्षाचालकाविरुद्ध सिडको एमआयडीसी पोलिस ठाण्यात शासकीय कामात अडथळा निर्माण केल्याप्रकरणी गुन्हा दाखल करण्यात आला आहे.
रामेश्वर विठोबा काळे (रा. हनुमाननगर) हा आगार क्रमांक १ येथे सिटी बसवर चालक म्हणून कार्यरत आहे. काळे शनिवारी सायंकाळी पाच वाजता चिकलठाणा येथील घाटी हॉस्पिटलजवळून त्यांची बस वळवत होते. यावेळी समोर उभ्या असलेल्या रिक्षामुळे बसला वळण घेण्यास अडचण निर्माण होत होती. त्यांनी समोरील रिक्षाचालकांना रिक्षा बाजुला घेण्यास सांगितली. यावेळी रिक्षा (क्रमांक एमएच २० डीसी ४४२१) चा चालक याने काळे यांच्या बसमध्ये प्रवेश केला. काळे यांना शिवीगाळ करीत त्याने ड्रेसची कॉलर फाडली. तसेच त्यांना मारहाण केली. यानंतर या रिक्षाचालकाने बसच्या काचा फोडून नुकसान केले. याप्रकरणी काळे यांच्या तक्रारीवरून या रिक्षाचालकाविरुद्ध पोलिस ठाण्यात शासकीय कामात अडथळा निर्माण करणे, शासकीय मालमत्तेचे नुकसान करणे, मारहाण आदी कलमानुसार गुन्हा दाखल करण्यात आला आहे. पोलिस नाईक कोलते याप्रकरणी तपास करीत आहेत.