म. टा. प्रतिनिधी, औरंगाबाद
शहरातील बहुतांश बँकांच्या एटीएममध्ये गुरुवारी शंभर व पाचशेंच्या नोटांचा भरणा करण्यात आला. त्यामुळे नागरिकांना दोन हजारांच्या नोटेसोबत आता या नोटाही मिळत आहेत. मात्र, दोनशे रुपयांची नोट अद्याप एटीएममधून गायब आहे.
शहरातील स्टेट बँक ऑफ इंडिया, महाराष्ट्र बँक आणि एचडीएफसीसह काही खासगी बँकांच्या एटीएममध्ये शंभर व पाचशेंच्या नोटांचा पुरवठा झाला आहे. तीन-चार बँकांच्या अधिकाऱ्यांनी सांगितले की, ऑनलाइन व्यवहार वाढत असल्याने एटीएमवरील गर्दी तशी कमी झाली आहे. याशिवाय नोटांचा तुडवडा कमी झाला आहे. काऊंटर व एटीएममध्ये सर्व मूल्याच्या नोटा उपलब्ध आहेत, असे त्यांनी सांगितले.
स्टेट बँक ऑफ इंडिया, एचडीएफसी, आयसीआयसीआय, टीजेएसबी, बँक ऑफ बडोदा, सेंट्रल बँक, बँक ऑफ इंडियाच्या एटीएममधून दोन हजारांच्या नोटांसोबत गुरुवारपासून पाचशे व शंभर रुपयांच्या नोटा मिळत आहेत. शहरातील बहुतांश एटीएममध्ये नोटाबंदीच्या निर्णयानंतर दोन हजार, पाचशे व शंभर रुपयांच्या नोटेचे कॅलिब्रेशन्स बसवले आहे. रिझर्व्ह बँकेकडून रोकड पुरवठा सुरळित असल्याने रोकड भांडार असलेल्या बँकांनी सांगितले.
सेंट्रल बँकेकडून अखंड पुरवठा
सेंट्रल बँक ऑफ इंडियाच्या रोकड भांडारातील सूत्रांनी सांगितले, तीन-चार महिन्यांपासून शंभर व पाचशेंच्या नोटांचा अखंड पुरवठा केला जात आहे. त्या तुलनेत दोन हजारांच्या नोटांचा पुरवठा कमी आहे. आमच्या बँकेच्या शहरातील २२ एटीएममध्ये सर्व मुल्याच्या नोटा पुरवत आहोत. मराठवाड्यातील सेंट्रल बँकांच्या शाखांना औरंगाबादमधील सेंट्रल बँकेकडून रोकड पुरवली जाते, असे सांगण्यात आले.
शहरातील बहुतांश बँकांच्या एटीएममध्ये गुरुवारी शंभर व पाचशेंच्या नोटांचा भरणा करण्यात आला. त्यामुळे नागरिकांना दोन हजारांच्या नोटेसोबत आता या नोटाही मिळत आहेत. मात्र, दोनशे रुपयांची नोट अद्याप एटीएममधून गायब आहे.
शहरातील स्टेट बँक ऑफ इंडिया, महाराष्ट्र बँक आणि एचडीएफसीसह काही खासगी बँकांच्या एटीएममध्ये शंभर व पाचशेंच्या नोटांचा पुरवठा झाला आहे. तीन-चार बँकांच्या अधिकाऱ्यांनी सांगितले की, ऑनलाइन व्यवहार वाढत असल्याने एटीएमवरील गर्दी तशी कमी झाली आहे. याशिवाय नोटांचा तुडवडा कमी झाला आहे. काऊंटर व एटीएममध्ये सर्व मूल्याच्या नोटा उपलब्ध आहेत, असे त्यांनी सांगितले.
स्टेट बँक ऑफ इंडिया, एचडीएफसी, आयसीआयसीआय, टीजेएसबी, बँक ऑफ बडोदा, सेंट्रल बँक, बँक ऑफ इंडियाच्या एटीएममधून दोन हजारांच्या नोटांसोबत गुरुवारपासून पाचशे व शंभर रुपयांच्या नोटा मिळत आहेत. शहरातील बहुतांश एटीएममध्ये नोटाबंदीच्या निर्णयानंतर दोन हजार, पाचशे व शंभर रुपयांच्या नोटेचे कॅलिब्रेशन्स बसवले आहे. रिझर्व्ह बँकेकडून रोकड पुरवठा सुरळित असल्याने रोकड भांडार असलेल्या बँकांनी सांगितले.
सेंट्रल बँकेकडून अखंड पुरवठा
सेंट्रल बँक ऑफ इंडियाच्या रोकड भांडारातील सूत्रांनी सांगितले, तीन-चार महिन्यांपासून शंभर व पाचशेंच्या नोटांचा अखंड पुरवठा केला जात आहे. त्या तुलनेत दोन हजारांच्या नोटांचा पुरवठा कमी आहे. आमच्या बँकेच्या शहरातील २२ एटीएममध्ये सर्व मुल्याच्या नोटा पुरवत आहोत. मराठवाड्यातील सेंट्रल बँकांच्या शाखांना औरंगाबादमधील सेंट्रल बँकेकडून रोकड पुरवली जाते, असे सांगण्यात आले.