औरंगाबादः केंद्रीय मनुष्यबळ विकास मंत्रालयातंर्गत येणाऱ्या उर्दू भाषेचा प्रसार आणि प्रचार करण्यासाठी ‘बच्चों की दुनिया’ हे मासिक प्रकाशित केले जाते. या मासिकाचा राज्यात सर्वाधिक खप औरंगाबाद जिल्ह्यात असून दर महा सात हजार प्रति विकल्या जातात. ‘बच्चों की दुनिया’ या मासिकाची उर्दू भाषक विद्यार्थ्यांना गोडी लागली आहे.
मिल्लत शाळेत शिकणारी मरियम जमिला प्रत्येक महिन्याला ‘बच्चों की दुनिया’ची वाट पाहते. अशीच स्थिती इब्तेसाम नूर खानची सुद्धा आहे. तिला या मासिकाने लळा लावला आहे. नॅशनल कॉन्सिल फॉर प्रमोशनतर्फे प्रकाशित करण्यात येणाऱ्या या मासिकात प्रामुख्याने वैज्ञानिक शोधांची सविस्तर माहिती असते. शिवाय त्या त्या महिन्यातील देशातील सर्वाधिक मोठ्या सणाची माहिती, तो का साजरा केला जातो, हे सांगितलेले असते. त्यात रमजान ईद, बकरी ईदपासून दिवाळी, दसरा, होळी आणि केरळ राज्यातील कोलम सणाचीही माहिती देण्यात आलेली आहे. याशिवाय चित्रकला, गणित आणि इतर विषयांवरील लेख असतात. यामुळे हे मासिक मुलांसाठी वाचनीय ठरले आहे.
या मासिकाची शहरातील विक्री मिर्झा वर्ल्ड बुक सेंटरचे मिर्झा कय्यूम नदवी हे करतात. ते म्हणाले, शहरात २०१३मध्ये या मासिकाचा खप फक्त ५० होता. शहरातील उर्दू शाळांत जाऊन त्याची माहिती दिल्यानंतर हा खप यावर्षी सात हजारांपर्यंत वाढला आहे. मालेगावमध्ये पाच हजार प्रति विकल्या जातात. शिवाय राज्यातील इतर शहरांच्या तुलनेत औरंगाबादेतील मुलांनी या मासिकाला जादा पसंती दिल्याचे त्यांनी सांगितले.
५७ हजार प्रतिंचे वाटप
‘बच्चों की दुनिया’ या मासिकाच्या विक्रीबद्दल माहिती अधिकारातून विचारणा करण्यात आली. त्यानुसार, ५७,७०० प्रती छापल्या जातात. त्यापैकी ५५ प्रति महाराष्ट्रात विकल्या जातात. त्यापैकी ५० हजार प्रति औरंगाबादमधून मराठवाड्यातील आठ जिल्हे, खान्देश आणि विदर्भात पाठवली जातात.
मिल्लत शाळेत शिकणारी मरियम जमिला प्रत्येक महिन्याला ‘बच्चों की दुनिया’ची वाट पाहते. अशीच स्थिती इब्तेसाम नूर खानची सुद्धा आहे. तिला या मासिकाने लळा लावला आहे. नॅशनल कॉन्सिल फॉर प्रमोशनतर्फे प्रकाशित करण्यात येणाऱ्या या मासिकात प्रामुख्याने वैज्ञानिक शोधांची सविस्तर माहिती असते. शिवाय त्या त्या महिन्यातील देशातील सर्वाधिक मोठ्या सणाची माहिती, तो का साजरा केला जातो, हे सांगितलेले असते. त्यात रमजान ईद, बकरी ईदपासून दिवाळी, दसरा, होळी आणि केरळ राज्यातील कोलम सणाचीही माहिती देण्यात आलेली आहे. याशिवाय चित्रकला, गणित आणि इतर विषयांवरील लेख असतात. यामुळे हे मासिक मुलांसाठी वाचनीय ठरले आहे.
या मासिकाची शहरातील विक्री मिर्झा वर्ल्ड बुक सेंटरचे मिर्झा कय्यूम नदवी हे करतात. ते म्हणाले, शहरात २०१३मध्ये या मासिकाचा खप फक्त ५० होता. शहरातील उर्दू शाळांत जाऊन त्याची माहिती दिल्यानंतर हा खप यावर्षी सात हजारांपर्यंत वाढला आहे. मालेगावमध्ये पाच हजार प्रति विकल्या जातात. शिवाय राज्यातील इतर शहरांच्या तुलनेत औरंगाबादेतील मुलांनी या मासिकाला जादा पसंती दिल्याचे त्यांनी सांगितले.
५७ हजार प्रतिंचे वाटप
‘बच्चों की दुनिया’ या मासिकाच्या विक्रीबद्दल माहिती अधिकारातून विचारणा करण्यात आली. त्यानुसार, ५७,७०० प्रती छापल्या जातात. त्यापैकी ५५ प्रति महाराष्ट्रात विकल्या जातात. त्यापैकी ५० हजार प्रति औरंगाबादमधून मराठवाड्यातील आठ जिल्हे, खान्देश आणि विदर्भात पाठवली जातात.