म. टा. प्रतिनिधी, औरंगाबाद
कैलास मानसरोवर यात्रेकरूंनी तिबेटचे धर्मगुरू दलाई लामा यांचे छायाचित्र, लिखित साहित्य बाळगू नये अथवा बाळगू नये, असे चीनने स्पष्ट केले आहे. संवेदनशील राजकीय परिस्थितीच्या पार्श्वभूमीवर ल्हासा येथील चायना इंडियन पिलिग्रीम सर्व्हिस सेंटर या संस्थने यासंदर्भात पत्र पाठविले आहे. त्यामुळे कैलास मानसरोवरसाठी यात्रा घडवून आणणाऱ्या टूर्स कंपन्या आता यात्रेकरूंना खबरदारी घेण्यास सांगत आहेत.
कैलास मानसरोवर यात्रेकरूंमध्ये दरवर्षी वाढ होते आहे. वेगवेगळ्या बॅचेसमध्ये हे यात्रेकरू यात्रेसाठी जातात. नेपाळमार्गे तिबेटमध्ये जाणाऱ्या भाविकांना चीनच्या नव्या निर्बंधाचा सामना करावा लागणार आहे. तिबेटचे धर्मगुरू दलाई लामा यांना अरुणाचल प्रदेश प्रवेशाला चीनने विरोध केला होता. उभय देशांच्या संबंधावर परिणाम होईल, असे चीनने म्हटले होते. आता कैलास मानसरोवर यात्रेदरम्यान यात्रेकरूंकडे दलाई लामा यांचे चित्र सोबत बाळगू नये, त्यासह लिखित साहित्य, व्हिडिओ बाळगता कामा नये, असे चीनने स्पष्ट केले आहे. नेपाळमधील टूर एजंटांमार्फत भारतीय टूर कंपन्यांना हे पत्र देण्यात आले आहे. या कंपन्यांनी यात्रेकरूंना याबाबत स्पष्ट सूचना द्याव्यात, असे पत्रात स्पष्ट करण्यात आले आहे.
... तर बंदी, काळ्या यादीत टाकू
चिनी लष्काराला काही संशयास्पद वस्तू आढळल्या होत्या. त्यानंतर काही प्रवाशांना परत पाठविण्यात आले होते, असे पत्रात म्हटले. त्यामुळे संवेदनशील राजकीय पार्श्वभूमीवर दलाई लामा यांचे चित्र, साहित्य यात्रेकरूंनी बाळगू नये, अशी काळजी घ्यावी, असे पत्रात म्हटले आहे. तसे आढळले, तर टूर कंपन्यांवर कारवाई करण्यात येईल, असेही म्हटले आहे. २२ मे रोजी हे पत्र काढण्यात आलेले आहे. त्यामुळे भारतातील टूर्स कंपन्या खबरदारी घेत आहेत.
कैलास मानसरोवरला जाणाऱ्या यात्रेकरूंकडे दलाई लामा यांचा फोटो, त्यांच्याशी निगडित साहित्य बाळगू नये असे, सूचना देणारे पत्र आम्हाला नेपाळमधील टूर्स एजंटांकडून मिळाले आहे. त्या पत्रात यात्रेकरूंना दिलेल्या सूचनांमध्ये ही बाब स्पष्ट करण्यात आली आहे. आम्ही प्रत्येक यात्रेकरूला ते पत्रही दिले आहे.
- मंगेश कपोते, टूर ऑपरेटर, औरंगाबाद.
कैलास मानसरोवर यात्रेकरूंनी तिबेटचे धर्मगुरू दलाई लामा यांचे छायाचित्र, लिखित साहित्य बाळगू नये अथवा बाळगू नये, असे चीनने स्पष्ट केले आहे. संवेदनशील राजकीय परिस्थितीच्या पार्श्वभूमीवर ल्हासा येथील चायना इंडियन पिलिग्रीम सर्व्हिस सेंटर या संस्थने यासंदर्भात पत्र पाठविले आहे. त्यामुळे कैलास मानसरोवरसाठी यात्रा घडवून आणणाऱ्या टूर्स कंपन्या आता यात्रेकरूंना खबरदारी घेण्यास सांगत आहेत.
कैलास मानसरोवर यात्रेकरूंमध्ये दरवर्षी वाढ होते आहे. वेगवेगळ्या बॅचेसमध्ये हे यात्रेकरू यात्रेसाठी जातात. नेपाळमार्गे तिबेटमध्ये जाणाऱ्या भाविकांना चीनच्या नव्या निर्बंधाचा सामना करावा लागणार आहे. तिबेटचे धर्मगुरू दलाई लामा यांना अरुणाचल प्रदेश प्रवेशाला चीनने विरोध केला होता. उभय देशांच्या संबंधावर परिणाम होईल, असे चीनने म्हटले होते. आता कैलास मानसरोवर यात्रेदरम्यान यात्रेकरूंकडे दलाई लामा यांचे चित्र सोबत बाळगू नये, त्यासह लिखित साहित्य, व्हिडिओ बाळगता कामा नये, असे चीनने स्पष्ट केले आहे. नेपाळमधील टूर एजंटांमार्फत भारतीय टूर कंपन्यांना हे पत्र देण्यात आले आहे. या कंपन्यांनी यात्रेकरूंना याबाबत स्पष्ट सूचना द्याव्यात, असे पत्रात स्पष्ट करण्यात आले आहे.
... तर बंदी, काळ्या यादीत टाकू
चिनी लष्काराला काही संशयास्पद वस्तू आढळल्या होत्या. त्यानंतर काही प्रवाशांना परत पाठविण्यात आले होते, असे पत्रात म्हटले. त्यामुळे संवेदनशील राजकीय पार्श्वभूमीवर दलाई लामा यांचे चित्र, साहित्य यात्रेकरूंनी बाळगू नये, अशी काळजी घ्यावी, असे पत्रात म्हटले आहे. तसे आढळले, तर टूर कंपन्यांवर कारवाई करण्यात येईल, असेही म्हटले आहे. २२ मे रोजी हे पत्र काढण्यात आलेले आहे. त्यामुळे भारतातील टूर्स कंपन्या खबरदारी घेत आहेत.
कैलास मानसरोवरला जाणाऱ्या यात्रेकरूंकडे दलाई लामा यांचा फोटो, त्यांच्याशी निगडित साहित्य बाळगू नये असे, सूचना देणारे पत्र आम्हाला नेपाळमधील टूर्स एजंटांकडून मिळाले आहे. त्या पत्रात यात्रेकरूंना दिलेल्या सूचनांमध्ये ही बाब स्पष्ट करण्यात आली आहे. आम्ही प्रत्येक यात्रेकरूला ते पत्रही दिले आहे.
- मंगेश कपोते, टूर ऑपरेटर, औरंगाबाद.