म. टा.प्रतिनिधी ,औरंगाबाद
वर्धन घोडे खून खटल्यात शनिवारी सत्र न्यायाधीश व्ही. व्ही. पाटील यांच्या न्यायालयामध्ये फिर्यादी भारती घोडे यांची उलटतपासणी पूर्ण झाली. तसेच इतर साक्षीदारांचे जबाब नोंदविण्यात आले. इतर साक्षीदारांचे जबाब पाच आणि सहा ऑक्टोबर रोजी नोंदविण्यात येणार आहेत.
शनिवारी वर्धनच्या आईसह त्याचा मित्र सचिन पवार या दोघांनी उलट तपासणी पूर्ण झाली. वर्धनच्या हत्येपूर्वी त्याच्यासोबत कोण होते याच्या अनुषंगाने साक्षीदारांचे जबाब नोंदविण्यात आले. हत्येच्या आदल्या दिवशी आरोपी अभिलाष मोहनपूरकर आणि श्याम मगरे तसेच वर्धन घोडे आणि त्याचा मित्र सचिन पवार हे गजानन महाराज मंदिरात दर्शनासाठी गेले होते, हे सीसीटीव्ही फुटेजवरून स्पष्ट झाले होते. त्याअनुषंगानेही साक्षीदारांचे जबाब नोंदविण्यात आले. नाशिक येथील अजय मिसर यांनी सरकारतर्फे तर फिर्यादीतर्फे डी. ए. खंडागळे आणि विजय काळे काम पाहत आहेत.