म. टा. प्रतिनिधी, औरंगाबाद
भाजप व भाजयुमो शहर शाखेच्या वतीने रविवारी गुलमंडी येथे गुढीपाडव्यानिमित्त ५१ फुटी 'विकासाची गुढी' उभारण्यात आली होती. भाजप सरकारने गेल्या चार वर्षांत देशाच्या विकासासाठी विविध योजनांच्या माध्यमातून केलेल्या कामांची माहिती याद्वारे देण्यात आली. यावेळी शहराध्यक्ष किशनचंद तनवाणी, संघटन मंत्री भाऊराव देशमुख, महिला आयोग अध्यक्षा विजया राहटकर, प्रदेश उपाध्यक्ष डॉ. भागवत कराड, सरचिटणीस कचरु घोडके, बाळासाहेब गायकवाड, हेमंत खेडकर, अशोक जगधने, भुपेश पाटील, रवी बलदवा, सुभाष साबळे, राजेंद्र स्नेही, गुलमंडी मंडळाध्यक्ष सुधीर नाईक, धीरज सिद्ध, युवा मोर्चा अध्यक्ष सचिन जवेरी, सुनील शरणागत, नागनाथ कबाडे , ऋषिकेश ढंगारे, अजय वांगीकर आदींची उपस्थिती होती.