भावाच्या मोबाईल लोकेशनवर पोहोचताच बहिण हादरली, औरंगाबादमध्ये काळजाचा ठोका चुकावणारी घटना

औरंगाबाद : बुधवारपासून बेपत्ता असलेला २२ वर्षीय अभियांत्रिकीच्या विद्यार्थाची गळा चिरून निर्घृणपणे हत्या केल्याची धक्कादायक घटना औरंगाबादच्या हिमायतबाग परिसरात समोर आली. कृष्णा शेषराव जाधव मृत विद्यार्थाचे नाव असून या घटनेमुळे शहरात एकच खळबळ उडाली आहे.

पोलिसांनी दिलेली माहितीनुसार, मित्राच्या वाढदिवसाला जात असल्याचे सांगत कृष्णा १५ डिसेंबर रोजी घरातून बाहेर पडला होता. मात्र, रात्र होऊन कृष्णा घरी पोहचला नसल्याने घरच्यांनी अनेकदा त्याला फोन लावण्याचा प्रयत्न केला. मात्र, फोन लागत नव्हता, मित्रांकडे विचारपूस केल्यानंतरही काहीच माहिती मिळत नसल्याने कृष्णाच्या कुटुंबातील सदस्यांनी सिडको पोलीस ठाणे गाठत, बेपत्ता असल्याची तक्रार नोंदवली.

धक्कादायक! विधवा आणि घटस्फोटीत २६ महिलांना दिले लग्नाचे आमिष; लुटले करोडो रुपये
सिडको पोलीस कृष्णाचा शोध घेत असतानाच गुरुवारी सकाळी काही नागरिक हिमायतबाग परिसरात फिरात असताना रक्ताच्या थारोळ्यात भिंतीच्या कडेला असलेल्या खड्ड्यात तरुण निपचित पडलेला दिसला. नागरिकांना संशय आल्याने त्यांनी ही माहिती पोलिसांना दिली. घटनेची माहिती मिळताच, बेगमपुरा पोलिसांसह गुन्हेशाखेच्या पथकाने घटनस्थळी धाव घेतली. याचवेळी कृष्णाची बहीण आपल्या भावाच्या आयफोनच्या लोकेशन वरून भावाला शोधत-शोधत घटनास्थळी पोहचली. तर पोलीस पाहून तिने हंबरडा फोडला आणि त्यानंतर मृतदेह कृष्णाचा असल्याचं स्पष्ट झालं.

ज्या ठिकाणी हत्या झाली त्या ठिकाणच्या सुमारे ३० फूट अंतरापर्यंत रक्ताचे डाग, आणि झटापटीच्या खुणा पोलिसांना आढळून आल्या आहेत. घटनास्थळी दारूच्या बाटल्या आढळल्याने दारूच्या नशेत हे कृत्य झाले असावे असा देखील कयास लावण्यात येत आहे. तर बेगमपुरा पोलिसांनी कृष्णाच्या कॉल डिटेल्सवरून विचारपूससाठी तीन ते चार संशयितांना ताब्यात घेतले आहे.