३० कोटींच्या कर्जाच्या आमिषानं घातला गंडा; प्रसिद्ध बिल्डरनं जीवन संपवण्याचं कारण समोर

औरंगाबाद : प्रख्यात बांधकाम व्यावसायिक आणि क्रेडाईचे कोषाध्यक्ष असलेल्या अनिल महादेवराव आग्रहाकर यांच्या आत्महत्येचे गूढ उकलले आहे. ३० कोटी रुपये कर्जाचे आमिष दाखवत एका दलालाने तब्बल ६८ लाख रुपयांना गंडा घेतला होता. त्यामुळे ते आर्थिक अडचणीत होते. त्यातून त्यांनी गळफास घेतल्याचे समोर आले आहे. या प्रकरणी दलाल भागवत यशवंत चव्हण (रा. शिवदत्त हौसिंग सोसायटी, इन -८ सिडको) विरोधात गुन्हा दाखल करण्यात आला आहे.

आग्रहकार यांनी त्यांच्या राहत्या घराच्या जिममध्ये बुधवारी सकाळी मित्रविहार सोसायटी येथे गळफास घेऊन आत्महत्या केल्याचे समोर आले होते. यानंतर पोलिसांनी घराची झडती घेतली असता त्यामध्ये पोलिसांना सुसाईड नोट आढळून आली होती. त्या नोटमध्ये दोन जणांची नावे असल्याचे समोर आले होते. यानंतर पोलीस आणि नातेवाईकांकडून कुठलीही माहिती देण्यात आली नव्हती. शेवटी मृत अनिल यांचे भाऊ दिलीप आग्रहारकर यांच्या तक्रारीवरून प्रॉपर्टी डीलर भागवत चव्हाणविरोधात जवाहर नगर पोलीस ठाण्यात गुन्हा दाखल करण्यात आला आहे.
आयकर अधिकारी दीड वर्ष कामावर गैरहजर; पथक घरी पोहोचलं; कुटुंब कुजलेल्या प्रेतासोबत राहत होतं
तीस कोटी रुपये कर्ज काढून देतो, अशी थाप भागवत चव्हाणने मारली होती. त्यासाठी अनिल यांनी चव्हाणला ६८ लाख रुपये दिले होते. मात्र अनेक महिने उलटूनही कर्ज काही मिळत नव्हते. घेतलेले ६८ लाख रुपयेदेखील चव्हाण परत देत नव्हता. यामुळे अनिल आग्रहकार प्रचंड आर्थिक अडचणीत सापडले होते. त्यातूनच त्यांनी गळफास घेत आत्महत्या केली. पोलिसांनी गुन्हा दाखल करून पुढील तपासाला सुरुवात केली आहे.