औरंगाबाद: ज्येष्ठ समीक्षक व अनुवादक प्रा. चंद्रकांत पाटील यांना यंदाचा ‘राष्ट्रीय हिंदी सेवा सन्मान’ पुरस्कार जाहीर झाला आहे. मध्य प्रदेशच्या सांस्कृतिक विभागाच्या वतीने हिंदी साहित्य समृद्ध करणाऱ्या इतर भाषिक साहित्यिकाला हा पुरस्कार दिला जातो.
सृजनशील लेखन, सक्रियता आणि दोन भाषांना जोडण्याचे योगदान लक्षात घेऊन चंद्रकांत पाटील यांची पुरस्कारासाठी निवड करण्यात आली. एक लाख रुपये रोख आणि सन्मानपत्र असे पुरस्काराचे स्वरूप आहे. पाटील यांना येत्या १४ सप्टेंबर रोजी भोपाळ येथे आयोजित कार्यक्रमात सन्मानित करण्यात येणार आहे, असे संचालक पंकज राग यांनी कळवले आहे. चार दशकांपासून पाटील मराठी-हिंदी साहित्याचा दुवा म्हणून महत्त्वाचे काम करीत आहेत. महत्त्वाच्या हिंदी कविता त्यांनी मराठीत अनुवादित केल्या. तसेच मराठी कविताही हिंदीत भाषांतरीत केल्या. पाटील यांची ‘वैसे वे मेरा शत्रू नही’, ‘रसगंधर्व’, ‘तिची स्वप्ने’, ‘पुन्हा एकदा कविता’, ‘चौकटीबाहेरचे चेहरे’ आदी पुस्तके गाजली आहेत.
सृजनशील लेखन, सक्रियता आणि दोन भाषांना जोडण्याचे योगदान लक्षात घेऊन चंद्रकांत पाटील यांची पुरस्कारासाठी निवड करण्यात आली. एक लाख रुपये रोख आणि सन्मानपत्र असे पुरस्काराचे स्वरूप आहे. पाटील यांना येत्या १४ सप्टेंबर रोजी भोपाळ येथे आयोजित कार्यक्रमात सन्मानित करण्यात येणार आहे, असे संचालक पंकज राग यांनी कळवले आहे. चार दशकांपासून पाटील मराठी-हिंदी साहित्याचा दुवा म्हणून महत्त्वाचे काम करीत आहेत. महत्त्वाच्या हिंदी कविता त्यांनी मराठीत अनुवादित केल्या. तसेच मराठी कविताही हिंदीत भाषांतरीत केल्या. पाटील यांची ‘वैसे वे मेरा शत्रू नही’, ‘रसगंधर्व’, ‘तिची स्वप्ने’, ‘पुन्हा एकदा कविता’, ‘चौकटीबाहेरचे चेहरे’ आदी पुस्तके गाजली आहेत.