म. टा. प्रतिनिधी, सातारा
साताऱ्यातील रेणुकामाता मंदिरात हरिपाठासाठी गेलेल्या महिलेचे मोटारसायकलस्वार चोरट्याने ६५ हजार रुपयांचे मंगळसूत्र चोरल्याची घटना मंगळवारी दुपारी पाऊण वाजण्याच्या सुमारास घडली.
रेवती सुधीर कुलकर्णी (वय ४६, रा. ओबेरॉयनगर, हायकोर्ट कॉलनी) या मंगळवार असल्यामुळे रेणुकामाता मंदिरात हरिपाठासाठी गेल्या होत्या. हरिपाठ झाल्यावर मैत्रिणीसोबत घरी येत असताना जांभळा शर्ट व हेल्मेट घातलेला चोरटा काळ्या रंगाच्या दुचाकीवर समोरून आला. त्याने धक्का देऊन बेसावध केले व गळ्यातील २३ ग्रॅम वजनाचे ६५ हजार रुपयांचे मंगळसूत्र हिसका मारून तोडून पलायन केले. यावेळी रेवती कुलकर्णी यांनी आरडाओरडा केला, परंतु चोरटा भरधाव वेगात पसार झाला. त्याने हेल्मेट घातलेले असल्यामुळे त्याचा चेहरा पाहता आला नाही. एका चौकातील दुकानावर लावलेल्या सीसीटीव्हीचे फुटेज ताब्यात घेतले असून ते अस्पष्ट असल्याचे निरीक्षक काकडे यांनी सांगितले. याप्रकरणी सातारा पोलिस ठाण्यात गुन्हा नोंद करण्यात आला असून, पुढील तपास एपीआय बहुरे हे करीत आहेत.
साताऱ्यातील रेणुकामाता मंदिरात हरिपाठासाठी गेलेल्या महिलेचे मोटारसायकलस्वार चोरट्याने ६५ हजार रुपयांचे मंगळसूत्र चोरल्याची घटना मंगळवारी दुपारी पाऊण वाजण्याच्या सुमारास घडली.
रेवती सुधीर कुलकर्णी (वय ४६, रा. ओबेरॉयनगर, हायकोर्ट कॉलनी) या मंगळवार असल्यामुळे रेणुकामाता मंदिरात हरिपाठासाठी गेल्या होत्या. हरिपाठ झाल्यावर मैत्रिणीसोबत घरी येत असताना जांभळा शर्ट व हेल्मेट घातलेला चोरटा काळ्या रंगाच्या दुचाकीवर समोरून आला. त्याने धक्का देऊन बेसावध केले व गळ्यातील २३ ग्रॅम वजनाचे ६५ हजार रुपयांचे मंगळसूत्र हिसका मारून तोडून पलायन केले. यावेळी रेवती कुलकर्णी यांनी आरडाओरडा केला, परंतु चोरटा भरधाव वेगात पसार झाला. त्याने हेल्मेट घातलेले असल्यामुळे त्याचा चेहरा पाहता आला नाही. एका चौकातील दुकानावर लावलेल्या सीसीटीव्हीचे फुटेज ताब्यात घेतले असून ते अस्पष्ट असल्याचे निरीक्षक काकडे यांनी सांगितले. याप्रकरणी सातारा पोलिस ठाण्यात गुन्हा नोंद करण्यात आला असून, पुढील तपास एपीआय बहुरे हे करीत आहेत.