पृथा वीर, औरंगाबाद
मुलांनो एक फोन करा आणि कथा, कविता, गोष्टी ऐका. असा हा भन्नाट बोलका दिवाळी अंक तयार करण्यात आलाय. तो तब्बल १२ हजारांहून अधिक मुलांनी वाचलाय सुद्धा. सहावी ते बारावीतील विद्यार्थ्यांसाठी पुण्यातल्या ज्ञान प्रबोधिनीच्या छात्र प्रबोधिनीने हा आगळावेगळा प्रयोग केला आहे. तो राज्यभर चर्चेत आहे.
तारीख पाच नोव्हेंबर. सकाळी बरोब्बर दहापासून हा अंक फोनवर ऐकू येऊ लागला. मग काय मुलांची चांदी झाली. आधीच करोनाने शाळा बंद. त्यात घरात बसून कंटाळा आलेला. शहरीभागात नेटबिट, ऑनलाइन शाळा. मात्र, ग्रामीण भागत सगळेच वांदे. नेमके हेच हेरून बोलका दिवाळी अंक तयार करण्यात आला. प्रामुख्याने ग्रामीण व दुर्गम भागातील विद्यार्थी, अंध विद्यार्थी, नागरी वस्त्यांमधील विद्यार्थी यांची दिवाळी आनंदाची आणि समृद्ध करण्यासाठी हा प्रयोग केला गेला. या अंकासाठी ना इंटरनेट लागते. ना स्मार्ट फोन. साधा फोन असो की, लॅँडलाइन. तुम्ही फक्त ९६६७७१५७१६ हा क्रमांक डायल करा. तुम्हाला मग इंद्रजित भालेराव, एकनाथ आव्हाड, आश्लेषा महाजन, मुबारक शेख, मृणालिनी चितळे, आबा महाजन, दुर्गेश सोनार, मृणालिनी कानेटकर, रामचंद्र देखणे, दासू वैद्य यांसारख्या कवी, लेखकांच्या कथा-कविता ऐकायला मिळतील.
अंक असा ऐकावा...
बोलता दिवाळी अंक ऐकण्यासाठी ९६६७७१५७१६ हा क्रमांक डायल करा. क्रमांकावर आपले नाव, गाव, तालुका व वय सांगून एकदाच नोंदणी करा. चार डिसेंबरपर्यंत फोन केल्यावर पुढील महिनाभर अंक केव्हाही ऐकता येईल. फोनवरील १ ते ९ क्रमांकावर विद्यार्थ्यांना गोष्टी, गाणी, लेख, जिद्दीच्या कहाण्या, विशेष लेख, कलाकृती, ललित लेख असे १० साहित्य प्रकारचा संच उपलब्ध आहे. विद्यार्थी आपल्या आवडीनुसार क्रमांक दाबून हवे ते साहित्य मोफत ऐकू शकतात. दर पाच दिवसांनी संच बदलला जातो.
गेल्या अनेक वर्षांपासून आम्ही ग्रामीण भागात ५० हजार दिवाळी अंक पोचवले. करोनाचे संकट समोर होते. मूल दिवाळी अंकापासून वंचित राहू नये म्हणून संधीचे रूपांतर करताना तंत्रज्ञानाची मदत घेतली. काही ठिकाणी विद्यार्थी सामूहिक अंक ऐकतात. नगरचे स्नेहालय, पुणे विद्यापीठातील विद्यावाहिनी सारख्या कम्युनिटी रेडिओवरही अंक प्रसारित झाला आहे.
- महेंद्र सेठिया, संपादक, ज्ञान प्रबोधनी
मुलांनो एक फोन करा आणि कथा, कविता, गोष्टी ऐका. असा हा भन्नाट बोलका दिवाळी अंक तयार करण्यात आलाय. तो तब्बल १२ हजारांहून अधिक मुलांनी वाचलाय सुद्धा. सहावी ते बारावीतील विद्यार्थ्यांसाठी पुण्यातल्या ज्ञान प्रबोधिनीच्या छात्र प्रबोधिनीने हा आगळावेगळा प्रयोग केला आहे. तो राज्यभर चर्चेत आहे.
तारीख पाच नोव्हेंबर. सकाळी बरोब्बर दहापासून हा अंक फोनवर ऐकू येऊ लागला. मग काय मुलांची चांदी झाली. आधीच करोनाने शाळा बंद. त्यात घरात बसून कंटाळा आलेला. शहरीभागात नेटबिट, ऑनलाइन शाळा. मात्र, ग्रामीण भागत सगळेच वांदे. नेमके हेच हेरून बोलका दिवाळी अंक तयार करण्यात आला. प्रामुख्याने ग्रामीण व दुर्गम भागातील विद्यार्थी, अंध विद्यार्थी, नागरी वस्त्यांमधील विद्यार्थी यांची दिवाळी आनंदाची आणि समृद्ध करण्यासाठी हा प्रयोग केला गेला. या अंकासाठी ना इंटरनेट लागते. ना स्मार्ट फोन. साधा फोन असो की, लॅँडलाइन. तुम्ही फक्त ९६६७७१५७१६ हा क्रमांक डायल करा. तुम्हाला मग इंद्रजित भालेराव, एकनाथ आव्हाड, आश्लेषा महाजन, मुबारक शेख, मृणालिनी चितळे, आबा महाजन, दुर्गेश सोनार, मृणालिनी कानेटकर, रामचंद्र देखणे, दासू वैद्य यांसारख्या कवी, लेखकांच्या कथा-कविता ऐकायला मिळतील.
अंक असा ऐकावा...
बोलता दिवाळी अंक ऐकण्यासाठी ९६६७७१५७१६ हा क्रमांक डायल करा. क्रमांकावर आपले नाव, गाव, तालुका व वय सांगून एकदाच नोंदणी करा. चार डिसेंबरपर्यंत फोन केल्यावर पुढील महिनाभर अंक केव्हाही ऐकता येईल. फोनवरील १ ते ९ क्रमांकावर विद्यार्थ्यांना गोष्टी, गाणी, लेख, जिद्दीच्या कहाण्या, विशेष लेख, कलाकृती, ललित लेख असे १० साहित्य प्रकारचा संच उपलब्ध आहे. विद्यार्थी आपल्या आवडीनुसार क्रमांक दाबून हवे ते साहित्य मोफत ऐकू शकतात. दर पाच दिवसांनी संच बदलला जातो.
गेल्या अनेक वर्षांपासून आम्ही ग्रामीण भागात ५० हजार दिवाळी अंक पोचवले. करोनाचे संकट समोर होते. मूल दिवाळी अंकापासून वंचित राहू नये म्हणून संधीचे रूपांतर करताना तंत्रज्ञानाची मदत घेतली. काही ठिकाणी विद्यार्थी सामूहिक अंक ऐकतात. नगरचे स्नेहालय, पुणे विद्यापीठातील विद्यावाहिनी सारख्या कम्युनिटी रेडिओवरही अंक प्रसारित झाला आहे.
- महेंद्र सेठिया, संपादक, ज्ञान प्रबोधनी