म. टा. प्रतिनिधी, औरंगाबाद
हर्सूल पोलिसांच्या सतर्कतेमुळे १६ वर्षांच्या अल्पवयीन मुलीचा विवाह टळला. फुलेनगर भागात शुक्रवारी सकाळी हा प्रकार घडला. सुजाण नागरिकाने पोलिसांना दिलेल्या माहितीनंतर ही कारवाई करण्यात आली. या पालकांचे पोलिस निरीक्षक मनिष कल्याणकर यांनी समुपदेशन केले.
हर्सूल पोलिस ठाण्याचे पोलिस निरीक्षक कल्याणकर यांना एका नागरिकाने फोन करून, फुलेनगर भागातील एका कुटुंबात १६ वर्षांच्या मुलीचा विवाह करण्याच्या प्रयत्नात सुरू असल्याची माहिती दिली. या माहितीवरून निरीक्षक कल्याणकर यांनी सहायक फौजदार सोन्ने, काळे कोतकर यांच्या यांच्या पथकाला फुलेनगरात कुटुंबाचा शोध घेण्यासाठी पाठवले. हे कुटुंबीय सापडल्यानंतर त्यांना पोलिस ठाण्यात आणण्यात आले. कुटुंबातील सदस्यांची कल्याणकर यांनी विचारपूस केली. हे सर्व मजूर काम करणारे होते. या मुलीला पाहण्याचा व नंतर लगेच साखरपुडा करण्याचा कार्यक्रम या कुटुंबाने ठरवला होता. बालविवाह कायद्यानुसार असे करता येत नाही; तसेच मुलींच्या स्वास्थ्यावर होणाऱ्या परिणामाची माहिती देऊन समुपदेशन केले. यानंतर सिरसाट कुटुंबीयांनी पुढील पाहण्याचा; तसेच साखरपुड्याचा कार्यक्रम रद्द केला. या मुलीचे वडिलांना अल्पवयात मुलीचा विवाह केल्यास होण्याऱ्या परिणामाची जाणीव व्हावी व परत असा प्रकार करू नये म्हणून त्यांच्यावर प्रतिबंधात्मक कारवाई करण्यात आली. पोलिस आयुक्त यशस्वी यादव, उपायुक्त राहुल श्रीरामे, एसीपी नागनाथ कोडे यांच्या मार्गदर्शनाखाली ही कारवाई करण्यात आली.
मुलगी सातवीत
अल्पवयीन मुलीचे आई, वडील मजुरी करतात. ही मुलगी सातवीत शिकत आहे. कन्नड येथील मुलाशी तिचा विवाह करण्यात येणार होता. तो मुलगाही मजुरी करतो, अशी माहिती पोलिसांनी दिली.
हर्सूल पोलिसांच्या सतर्कतेमुळे १६ वर्षांच्या अल्पवयीन मुलीचा विवाह टळला. फुलेनगर भागात शुक्रवारी सकाळी हा प्रकार घडला. सुजाण नागरिकाने पोलिसांना दिलेल्या माहितीनंतर ही कारवाई करण्यात आली. या पालकांचे पोलिस निरीक्षक मनिष कल्याणकर यांनी समुपदेशन केले.
हर्सूल पोलिस ठाण्याचे पोलिस निरीक्षक कल्याणकर यांना एका नागरिकाने फोन करून, फुलेनगर भागातील एका कुटुंबात १६ वर्षांच्या मुलीचा विवाह करण्याच्या प्रयत्नात सुरू असल्याची माहिती दिली. या माहितीवरून निरीक्षक कल्याणकर यांनी सहायक फौजदार सोन्ने, काळे कोतकर यांच्या यांच्या पथकाला फुलेनगरात कुटुंबाचा शोध घेण्यासाठी पाठवले. हे कुटुंबीय सापडल्यानंतर त्यांना पोलिस ठाण्यात आणण्यात आले. कुटुंबातील सदस्यांची कल्याणकर यांनी विचारपूस केली. हे सर्व मजूर काम करणारे होते. या मुलीला पाहण्याचा व नंतर लगेच साखरपुडा करण्याचा कार्यक्रम या कुटुंबाने ठरवला होता. बालविवाह कायद्यानुसार असे करता येत नाही; तसेच मुलींच्या स्वास्थ्यावर होणाऱ्या परिणामाची माहिती देऊन समुपदेशन केले. यानंतर सिरसाट कुटुंबीयांनी पुढील पाहण्याचा; तसेच साखरपुड्याचा कार्यक्रम रद्द केला. या मुलीचे वडिलांना अल्पवयात मुलीचा विवाह केल्यास होण्याऱ्या परिणामाची जाणीव व्हावी व परत असा प्रकार करू नये म्हणून त्यांच्यावर प्रतिबंधात्मक कारवाई करण्यात आली. पोलिस आयुक्त यशस्वी यादव, उपायुक्त राहुल श्रीरामे, एसीपी नागनाथ कोडे यांच्या मार्गदर्शनाखाली ही कारवाई करण्यात आली.
मुलगी सातवीत
अल्पवयीन मुलीचे आई, वडील मजुरी करतात. ही मुलगी सातवीत शिकत आहे. कन्नड येथील मुलाशी तिचा विवाह करण्यात येणार होता. तो मुलगाही मजुरी करतो, अशी माहिती पोलिसांनी दिली.