म. टा. प्रतिनिधी, औरंगाबाद
शहरातील विविध ठिकाणी मिरवणूक काढून भाविक मंगळवारी गणरायाला निरोप देणार आहेत. या पार्श्वभूमीवर पोलिसांचा मोठा बंदोबस्त तैनात केला आहे. शहरात प्रथमच चिली ड्रोन कॅमेऱ्याचा वापर करण्यात येणार आहे.
शहरातील मुख्य मिरवणूक, सिडको हडको, चिकलठाणा, मुकुंदवाडी, नवीन औरंगाबाद, वाळूज एमआयडीसी, वाळूज, दौलताबाद व हर्सूल भागातून मिरवणूका काढण्यात येणार आहे. विसर्जन मिरवणूक शांततेत पार पाडण्यासाठी मोठा बंदोबस्त तैनात केला आहे. त्यामध्ये तीन उपायुक्त, सहा एसीपी, ४१ पोलिस निरीक्षक, ११८ एपीआय, पीएसआय, २२५६ पोलिस कर्मचारी, पाचशे होमगार्ड, एक राज्य राखीव दलाची कंपनी यासोबतच एक हजार विशेष पोलिस अधिकारी, ७००एनएसएस व ५०० एनसीसीचे विद्यार्थी यांचा समावेश आहे. तसेच महिला व तरुणींची छेडछाड रोखण्यासाठी तीन सडक सख्याहरी पथकांची स्थापना करण्यात आली आहे. हरवलेल्या व सापडलेल्या मुलांसाठी सिटी चौक येथे मार्गदर्शन केंद्र स्थापन करण्यात आले आहे. विसर्जन मिरवणुकीवर महत्त्वाच्या व संवेदनशील ठिकाणी फिक्स पॉइंट, वॉच टॉवर लावले आहेत. बाँब शोधक व नाशक पथक मिरवणुकीत तपासणी करणार आहे. ही माहिती विशेष शाखेचे एसीपी एच. एस. भापकर यांनी दिली.
चिली ड्रोनचा वापर
या मिरवणूकी दरम्यान प्रथमच चिली ड्रोन कॅमेऱ्याचा वापर करण्यात येणार आहे. या ड्रोनचे उदघाटन पोलिस आयुक्त यशस्वी यादव यांच्या हस्ते करण्यात आले. यावेळी उपायुक्त डॉ. दीपाली धाटे घाडगे, विनायक ढाकणे आदींची उपस्थिती होती. काही अनूचित प्रकार घडल्यास या ड्रोनद्वारे समाजकंटकावर मिरची पूड किंवा लिक्विडचा वापर करण्यात येणार आहे.
शहरात पथसंचालन
विसर्जन मिरवणूकीच्या पार्श्वभूमीवर नवीन दाखल झालेल्या विशेष पोलिस अधिकाऱ्यांचे सोमवारी औरंगपुरा जिल्हा परिषद ते संस्थान गणपती या मार्गावर पथसंचालन करण्यात आले. त्यानंतर सायंकाळी शहरातील विविध भागात पोलिसांच्या वाहनांच्या ताफ्याने संचलन केले. मिलकॉर्नर येथून निघालेल्या या ताफ्याने शहरातील सर्व प्रमुख मार्गावर संचालन केले. यामध्ये मध्यवर्ती शहर, सिडको हडको, मुकुंदवाडी, चिकलठाणा, गारखेडा, छावणी आदी भागांचा समावेश होता.
खाजगी सीसीटीव्हीची मदत
औरंगपुरा, बाराभाई ताजिया मार्गावर माजी नगरसेवक अनिल मकरिये यांनी सीसीटीव्ही कॅमेरे लावलेले आहेत. गेल्या सात वर्षांपासून बसवण्यात आलेल्या या कॅमेऱ्याचे कंट्रोलिंग त्यांच्या औरंगपुरा येथील कार्यलयातून करण्यात येते. मकरिये यांनी विसर्जन मिरवणुकीच्या पार्श्वभूमीवर आणखी दोन कॅमेरे सोमवारी बसवले. या कॅमेऱ्यांची मिरवणुकीदरम्यान मदत होणार आहे.
विशेष पोलिस अधिकारी
गणेशोत्सव विसर्जन मिरवणुकीत बंदोबस्तासाठी नागरिकांतून एक हजार विशेष पोलिस अधिकाऱ्यांची निवड करण्यात आली आहे. त्यांना सोमवारी लाठी व जॅकेटचे वाटप करून मुख्यालयात प्रशिक्षण देण्यात आले. पोलिस आयुक्त यशस्वी यादव यांच्या संकल्पनेतून विशेष पोलिस अधिकारी ही संकल्पना राबवण्यात येत आहे. त्याला प्रतिसाद देत सुमारे १५ हजार नागरिकांनी अर्ज केले होते. यापैकी एक हजार जणांची निवड करण्यात आली. तापडिया नाट्य मंदिर येथे झालेल्या एका कार्यक्रमात त्यांना आयुक्त यादव यांच्या हस्ते जॅकेट, लाठी व शिट्टीचे वाटप करण्यात आले. यावेळी उपायुक्त डॉ. दीपाली धाटे घाडगे, विनायक ढाकणे, राहुल श्रीरामे, एसीपी गोवर्धन कोळेकर, एच. एस. भापकर, रामेश्वर थोरात आदींची उपस्थिती होती.
शहरातील विविध ठिकाणी मिरवणूक काढून भाविक मंगळवारी गणरायाला निरोप देणार आहेत. या पार्श्वभूमीवर पोलिसांचा मोठा बंदोबस्त तैनात केला आहे. शहरात प्रथमच चिली ड्रोन कॅमेऱ्याचा वापर करण्यात येणार आहे.
शहरातील मुख्य मिरवणूक, सिडको हडको, चिकलठाणा, मुकुंदवाडी, नवीन औरंगाबाद, वाळूज एमआयडीसी, वाळूज, दौलताबाद व हर्सूल भागातून मिरवणूका काढण्यात येणार आहे. विसर्जन मिरवणूक शांततेत पार पाडण्यासाठी मोठा बंदोबस्त तैनात केला आहे. त्यामध्ये तीन उपायुक्त, सहा एसीपी, ४१ पोलिस निरीक्षक, ११८ एपीआय, पीएसआय, २२५६ पोलिस कर्मचारी, पाचशे होमगार्ड, एक राज्य राखीव दलाची कंपनी यासोबतच एक हजार विशेष पोलिस अधिकारी, ७००एनएसएस व ५०० एनसीसीचे विद्यार्थी यांचा समावेश आहे. तसेच महिला व तरुणींची छेडछाड रोखण्यासाठी तीन सडक सख्याहरी पथकांची स्थापना करण्यात आली आहे. हरवलेल्या व सापडलेल्या मुलांसाठी सिटी चौक येथे मार्गदर्शन केंद्र स्थापन करण्यात आले आहे. विसर्जन मिरवणुकीवर महत्त्वाच्या व संवेदनशील ठिकाणी फिक्स पॉइंट, वॉच टॉवर लावले आहेत. बाँब शोधक व नाशक पथक मिरवणुकीत तपासणी करणार आहे. ही माहिती विशेष शाखेचे एसीपी एच. एस. भापकर यांनी दिली.
चिली ड्रोनचा वापर
या मिरवणूकी दरम्यान प्रथमच चिली ड्रोन कॅमेऱ्याचा वापर करण्यात येणार आहे. या ड्रोनचे उदघाटन पोलिस आयुक्त यशस्वी यादव यांच्या हस्ते करण्यात आले. यावेळी उपायुक्त डॉ. दीपाली धाटे घाडगे, विनायक ढाकणे आदींची उपस्थिती होती. काही अनूचित प्रकार घडल्यास या ड्रोनद्वारे समाजकंटकावर मिरची पूड किंवा लिक्विडचा वापर करण्यात येणार आहे.
शहरात पथसंचालन
विसर्जन मिरवणूकीच्या पार्श्वभूमीवर नवीन दाखल झालेल्या विशेष पोलिस अधिकाऱ्यांचे सोमवारी औरंगपुरा जिल्हा परिषद ते संस्थान गणपती या मार्गावर पथसंचालन करण्यात आले. त्यानंतर सायंकाळी शहरातील विविध भागात पोलिसांच्या वाहनांच्या ताफ्याने संचलन केले. मिलकॉर्नर येथून निघालेल्या या ताफ्याने शहरातील सर्व प्रमुख मार्गावर संचालन केले. यामध्ये मध्यवर्ती शहर, सिडको हडको, मुकुंदवाडी, चिकलठाणा, गारखेडा, छावणी आदी भागांचा समावेश होता.
खाजगी सीसीटीव्हीची मदत
औरंगपुरा, बाराभाई ताजिया मार्गावर माजी नगरसेवक अनिल मकरिये यांनी सीसीटीव्ही कॅमेरे लावलेले आहेत. गेल्या सात वर्षांपासून बसवण्यात आलेल्या या कॅमेऱ्याचे कंट्रोलिंग त्यांच्या औरंगपुरा येथील कार्यलयातून करण्यात येते. मकरिये यांनी विसर्जन मिरवणुकीच्या पार्श्वभूमीवर आणखी दोन कॅमेरे सोमवारी बसवले. या कॅमेऱ्यांची मिरवणुकीदरम्यान मदत होणार आहे.
विशेष पोलिस अधिकारी
गणेशोत्सव विसर्जन मिरवणुकीत बंदोबस्तासाठी नागरिकांतून एक हजार विशेष पोलिस अधिकाऱ्यांची निवड करण्यात आली आहे. त्यांना सोमवारी लाठी व जॅकेटचे वाटप करून मुख्यालयात प्रशिक्षण देण्यात आले. पोलिस आयुक्त यशस्वी यादव यांच्या संकल्पनेतून विशेष पोलिस अधिकारी ही संकल्पना राबवण्यात येत आहे. त्याला प्रतिसाद देत सुमारे १५ हजार नागरिकांनी अर्ज केले होते. यापैकी एक हजार जणांची निवड करण्यात आली. तापडिया नाट्य मंदिर येथे झालेल्या एका कार्यक्रमात त्यांना आयुक्त यादव यांच्या हस्ते जॅकेट, लाठी व शिट्टीचे वाटप करण्यात आले. यावेळी उपायुक्त डॉ. दीपाली धाटे घाडगे, विनायक ढाकणे, राहुल श्रीरामे, एसीपी गोवर्धन कोळेकर, एच. एस. भापकर, रामेश्वर थोरात आदींची उपस्थिती होती.