पद्मपुरा
तुटलेल्या नळामधून पाण्याची नासाडी
पद्मपुरा भागात नालेसफाई कामात असे तुटलेले नळ आहेत. त्यामधून मोठ्या प्रमाणात पाणी वाया जात आहे. प्रशासनाने या छोट्या गोष्टी कडे लक्ष देण्याची गरज आहे!
- विशाल अमरसिंग बन्सवाल, पदमपूरा
सोलापूर महामार्ग
महावितरणची मान्सूनपूर्व कामे कधी?
येत्या सात जूनपासून पावसाळा सुरू होत असून, वीज वितरण कंपनीच्या विभागाकडून अद्यापही वृक्षाच्या वीज तारांपर्यंत पोचलेल्या फांद्यांची छाटणी केलेली नाही. त्यामुळे या फांद्या अशा वीज वाहिन्यांना स्पर्शत आहेत. वाऱ्यामुळे वीज तारा हालत डोलत असतात. त्यातून घर्षण होऊन स्पार्किंगसारखे प्रकार घडतात. त्यामुळे वीज गायब होऊन ती येण्याची वाट बघावी लागते. मान्सूनपूर्व कामे तातडीने करणे आवश्यक असल्याचे मत वीज ग्राहकांनी व्यक्त केले. तरी वरिष्ठांनी याकडे जातीने लक्ष देऊन मान्सूनपूर्व कामे जलदगतीने करण्याची मागणी केली आहे.
- रवींद्र तायडे, हर्सूल