म. टा. प्रतिनिधी, औरंगाबाद
औरंगाबाद तालुक्यातील रखडलेल्या अपूर्ण असलेल्या पाणीपुरवठा योजना तातडीने मार्गी लावा, आणि दोन दिवसांत अहवाल सादर करा, असे आदेश जिल्हा परिषद अध्यक्ष अॅड. देवयानी डोणगावकर यांनी दिले.
डोणगावकर यांनी नुकतीच पंचायत समिती कार्यालयास अचानक भेट दिली. गटविकास अधिकारी एम. सी. राठोड यांच्याकडून कामांचा आढावा घेतला. त्यांनी प्रामुख्याने लोकप्रतिनिधींनी सूचविलेल्या जनसुविधा, कामे, दलित वस्तीसुधार योजनेतील कामे, २०१५ पूर्वीची अपूर्ण घरकुलांची कामे, जानेवारी १८ ते मार्च १८ टंचाईकृत आराखड्यातील उपाययोजना, ग्रामपंचायत करवसुली आदी कामांचा आढावा घेऊन येत्या दोन महिन्यांत सर्व योजनांची कामे पूर्ण करण्याच्या सूचना अॅड. देवयानी डोणगावकर यांनी केल्या. पंचायत समिती सभापती ताराबाई उकिर्डे, उपसभापती कविता राठोड, सहायक गटविकास अधिकारी शिरसाट उपस्थित होते. तालुक्यातील अपूर्ण अवस्थेतील ग्रामीण पाणीपुरवठा योजनेचा आढावा घेऊन सर्व संबंधितांना त्या पूर्ण करण्यासाठी तत्काळ नियोजन करण्यात यावे, अशी सूचना केली. पाणीपुरवठा विभागातील कर्मचारी डोंगरे यांच्याविषयी पदाधिकाऱ्यांनी डोणगावकर यांच्याकडे तक्रारी केल्या. पंचायत समिती इमारतीची पाहणीही त्यांनी केली.
औरंगाबाद तालुक्यातील रखडलेल्या अपूर्ण असलेल्या पाणीपुरवठा योजना तातडीने मार्गी लावा, आणि दोन दिवसांत अहवाल सादर करा, असे आदेश जिल्हा परिषद अध्यक्ष अॅड. देवयानी डोणगावकर यांनी दिले.
डोणगावकर यांनी नुकतीच पंचायत समिती कार्यालयास अचानक भेट दिली. गटविकास अधिकारी एम. सी. राठोड यांच्याकडून कामांचा आढावा घेतला. त्यांनी प्रामुख्याने लोकप्रतिनिधींनी सूचविलेल्या जनसुविधा, कामे, दलित वस्तीसुधार योजनेतील कामे, २०१५ पूर्वीची अपूर्ण घरकुलांची कामे, जानेवारी १८ ते मार्च १८ टंचाईकृत आराखड्यातील उपाययोजना, ग्रामपंचायत करवसुली आदी कामांचा आढावा घेऊन येत्या दोन महिन्यांत सर्व योजनांची कामे पूर्ण करण्याच्या सूचना अॅड. देवयानी डोणगावकर यांनी केल्या. पंचायत समिती सभापती ताराबाई उकिर्डे, उपसभापती कविता राठोड, सहायक गटविकास अधिकारी शिरसाट उपस्थित होते. तालुक्यातील अपूर्ण अवस्थेतील ग्रामीण पाणीपुरवठा योजनेचा आढावा घेऊन सर्व संबंधितांना त्या पूर्ण करण्यासाठी तत्काळ नियोजन करण्यात यावे, अशी सूचना केली. पाणीपुरवठा विभागातील कर्मचारी डोंगरे यांच्याविषयी पदाधिकाऱ्यांनी डोणगावकर यांच्याकडे तक्रारी केल्या. पंचायत समिती इमारतीची पाहणीही त्यांनी केली.