म. टा. प्रतिनिधी, कन्नड
पंचायत समिती कार्यालय परिसरात महाराष्ट्र राज्य संगणक परिचालक संघटनेच्या तालुका कार्यकारिणीतर्फे बुधवारी प्रलंबित मागण्यासाठी धरणे आंदोलन करण्यात आले.
राज्यातील सर्व संगणक परिचालकांना महाराष्ट्र आयटी महामंडळात सामावून घेण्यासह पंचायत समिती व जिल्हा परिषद स्तरावरून नियुक्ती द्यावी. मानधन १४ व्या वित्त आयोगातून न देता राज्य शासनाच्या निधीतून प्रतीमहा किमान १५ हजार रुपये मासिक वेतन द्यावे, एप्रिल २०१७ ते जुलै २०१९ पर्यंतचे सर्व थकित मानधन द्यावे, नोटीस न देता कामावरून कमी केलेल्या परिचालकांना परत कामावर घ्यावे, आदी मागण्या करण्यात आल्या. सर्व संगणक परिचालक १९ ऑगस्टपासून कामबंद आदोलनात सहभागी झाले आहेत. मागण्या मान्य होईपर्यंत आंदोलन सुरू राहील, असे संघटनेने स्पष्ट केले आहे.
या आंदोलनात जिल्हाध्यक्ष विजय वाघ, तालुकाध्यक्ष विवेक देवरे पाटील, योगेश वायकोस, अमोल भुसारे, रमेश हुकूमदार, सागर पवार, मनोहर काळे, गणेश अकोलकर, चेतन राठोड, विजया जाधव, प्रतिज्ञा कुलकर्णी, माधुरी सोनवणे, प्रशांत पवार, सचिन खरे आदी संगणक परिचालकांनी सहभाग घेतला.