औरंगाबाद : कॅनॉट प्लेस मार्केटमधील विविध जाती-धर्माचे व्यापारी एकत्र येऊन गणेशोत्सव उत्साहात साजरा करतात. सामाजिक दायित्व जपणारा ‘कनॉटचा राजा’ प्रसिद्ध आहे. विविध सामाजिक उपक्रमांच्या माध्यमातून गणेशोत्सवाची समाजपयोगी परंपरा कॅनॉट व्यापारी गणेश मित्र मंडळाच्या व्यापाऱ्यांनी जपली आहे.
सिडकोच्या कॅनॉट मार्केटमध्ये १९९७मध्ये गणेशोत्सवाची परंपरा सुरू झाली. पहिल्या उत्सव समितीच्या अध्यक्षपदी ज्ञानेश्वर खर्डे अप्पा यांची नियुक्ती करण्यात आली होती. यंदा वर्षी या गणेश मंडळाच्या अध्यक्षपदी सचिन अत्री, उपाध्यक्षपदी सय्यद अमीन यांची निवड करण्यात आली आहे. याशिवाय सचिवपदी राजू वासवानी, कोषाध्यक्षपदी दिलीप दयालानी, कार्याध्यक्षपदी दिलीप अंभोरे यांच्यासह सहसचिवपदी सचिन चव्हाण यांची निवड केली आहे. या उपक्रमांतर्गत कॅनॉटचा राजाची आरती करण्यासाठी अधं, अपंग; तसेच इतर संस्थांतील विद्यार्थी किंवा संबंधित सदस्यांना निमंत्रित करण्यात येते. आरतीसाठी आलेल्या विविध संस्थांमधील सदस्यांना व्यापारी संघातर्फे विशेष भेट वस्तू देण्यात येतात. याशिवाय अशा संस्थांना मदत करून गणरायाचा हा उत्सव मोठ्या उत्साहाने साजरा करण्यात येत आहे.
भंडाराचे आयोजन
दरवर्षी प्रमाणे यंदाही मोठ्या भंडाराचे आयोजन करण्यात आले आहे. यंदा सोमवारी (चार ऑगस्ट) दुपारी १२ ते चार दरम्यान सत्यनारायण पूजा आणि महाभंडारा कार्यक्रमाचे आयोजन करण्यात आल्याची माहिती ज्ञानेश्वर खर्डे यांनी ‘मटा’शी बोलताना दिली.
सिडकोच्या कॅनॉट मार्केटमध्ये १९९७मध्ये गणेशोत्सवाची परंपरा सुरू झाली. पहिल्या उत्सव समितीच्या अध्यक्षपदी ज्ञानेश्वर खर्डे अप्पा यांची नियुक्ती करण्यात आली होती. यंदा वर्षी या गणेश मंडळाच्या अध्यक्षपदी सचिन अत्री, उपाध्यक्षपदी सय्यद अमीन यांची निवड करण्यात आली आहे. याशिवाय सचिवपदी राजू वासवानी, कोषाध्यक्षपदी दिलीप दयालानी, कार्याध्यक्षपदी दिलीप अंभोरे यांच्यासह सहसचिवपदी सचिन चव्हाण यांची निवड केली आहे. या उपक्रमांतर्गत कॅनॉटचा राजाची आरती करण्यासाठी अधं, अपंग; तसेच इतर संस्थांतील विद्यार्थी किंवा संबंधित सदस्यांना निमंत्रित करण्यात येते. आरतीसाठी आलेल्या विविध संस्थांमधील सदस्यांना व्यापारी संघातर्फे विशेष भेट वस्तू देण्यात येतात. याशिवाय अशा संस्थांना मदत करून गणरायाचा हा उत्सव मोठ्या उत्साहाने साजरा करण्यात येत आहे.
भंडाराचे आयोजन
दरवर्षी प्रमाणे यंदाही मोठ्या भंडाराचे आयोजन करण्यात आले आहे. यंदा सोमवारी (चार ऑगस्ट) दुपारी १२ ते चार दरम्यान सत्यनारायण पूजा आणि महाभंडारा कार्यक्रमाचे आयोजन करण्यात आल्याची माहिती ज्ञानेश्वर खर्डे यांनी ‘मटा’शी बोलताना दिली.