औरंगाबाद:ऑनलाइन परीक्षेत मोबाइलचा हेडफोन लावून कॉपी करणाऱ्या विद्यार्थ्याला अटक करण्यात आली आहे. सुमित राजमल सिंह (रा. शामलो कलाण, जिंद, हरियाणा) असे त्या विद्यार्थ्याचे नाव आहे. सुमित २३ मार्च रोजी सातारा भागातील गॅलक्सी कॉर्नर येथे ऑनलाइन परीक्षा देत होता. यावेळी गळ्यात काळ्या रंगाची गोल वायर, व शर्टाच्या आतून पाठीमागे पांढऱ्या रंगाचा वापरचा हेडफोन टाकून कानात मायक्रो डीव्हाइस लावून तो पेपर सोडवत होता. या विद्यार्थ्याला संदीप गायकवाड यांनी पाहिले व अटक केली. याप्रकरणात गायकवाड याच्या फिर्यादीवरून सातारा पोलिस ठाण्यात गुन्हा दाखल करण्यात आला आहे.
मोबाइल हेडफोनमधून परीक्षेत केली कॉपी
ऑनलाइन परीक्षेत मोबाइलचा हेडफोन लावून कॉपी करणाऱ्या विद्यार्थ्याला अटक करण्यात आली आहे. सुमित राजमल सिंह (रा. शामलो कलाण, जिंद, हरियाणा) असे त्या विद्यार्थ्याचे नाव आहे.
Maharashtra Times 25 Mar 2018, 4:02 pm