ऑनलाइन परीक्षेत मोबाइलद्वारे केली कॉपी

औरंगाबाद: केंद्रीय भरती बोर्डाच्या (सेंट्रल स्टाफ सिलेक्शन बोर्ड) ऑनलाइन परीक्षेत मोबाइल आणि मायक्रो डिव्हाईसचा वापर करून कॉपी करणाऱ्या उमेदवारास अटक करून प्रथमवर्ग न्यायदंडाधिकारी ए. ए. पठाण यांच्यासमोर हजर केले असता सोमवारपर्यंत पोलिस कोठडीत ठेवण्याचे आदेश दिले.

सुमित राजमल सिंह (रा. हरियाणा)असे आरोपी उमेदवाराचे नाव आहे. केंद्रीय स्टाफ सलेक्शन मंडळाच्यावतीने विविध पदासाठी शुक्रवारी दुपारी देशभर ऑनलाइन परीक्षेचे आयोजन करण्यात आले होते. हरियाणा राज्यातील सुमितचे परीक्षा केंद्र म्हणून औरंगाबादेतील सीसी टेक्नॉलॉजी ही संस्था होती. शहरातील केंद्रावर परीक्षा देत असताना मायक्रो डिव्हाइस आणि मोबाइल वापरून तो कॉपी करीत असल्याचे पर्यवेक्षक संदीप गायकवाड यांच्या लक्षात आले. प्रकरणात त्याच्यावर सातारा पोलीस ठाण्यात गुन्हा दाखल करण्यात आला होता.