औरंगाबाद : मराठा क्रांती आंदोलनाला पाठिंबा देण्यासाठी काही नगरसेवक राजीनामा देणार असल्याची चर्चा मंगळवारी दिवसभर महापालिकेत होती, पण सायंकाळ पर्यंत कुणीच राजीनामा देण्यासाठी फिरकले नाही. गेल्या काही दिवसांपासून राज्यात मराठा क्रांती आंदोलन सुरू झाले आहे. या आंदोलनाला पाठिंबा देत काही आमदारांनी आपल्या आमदारकीचा राजीनामा दिला. लोकप्रतिनिधींच्या राजीनाम्याचे लोण स्थानिक स्वराज्य संस्थांपर्यंत पोचण्याची शक्यता निर्माण झाली आहे. या पार्श्वभूमीवर मंगळवारी दिवसभर महापालिकेत मराठा समाजातील काही नगरसेवकांच्या राजीनाम्याची चर्चा होती. महापौर नंदकुमार घोडेले यांनाही त्या संदर्भात फोन आले होते. त्यामुळे नगरसेवक राजीनामा देण्यासाठी येतील असे मानून महापौर सायंकाळी साडेसहा वाजेपर्यंत कार्यालयात होते, पण कुणीच आले नाही. त्यामुळे नगरसेवकांच्या राजीनाम्याची चर्चा ही केवळ चर्चाच राहिली.
नगरसेवकांच्या राजीनाम्याची महापालिकेत चर्चा
मराठा क्रांती आंदोलनाला पाठिंबा देण्यासाठी काही नगरसेवक राजीनामा देणार असल्याची चर्चा मंगळवारी दिवसभर महापालिकेत होती, पण सायंकाळ पर्यंत कुणीच ...
Maharashtra Times 1 Aug 2018, 4:00 am