कुलरच्या विजेचा धक्का, ५ वर्षीय मुलाचा मृत्यू

घरात खेळतांना कुलरमध्ये हात घातल्याने विजेचा धक्काचा लागून एका पाच वर्षीय चिमुकल्याचा मृत्यू झाल्याची दुर्दैवी घटना घडली आहे. बुधवारी दुपारी साडेबाराच्या सुमारास ही घटना घडली. रियान इश्तीयाक खान अन्सारी असे या चिमुकल्याचे नाव आहे.

रियान हा शहरातील सुप्रसिध्द न्युरोलॉजिस्ट डॉ. इश्तीयाक अन्सारी यांचा मुलगा होता. बुधवारी रियान संध्याकाळी साडेचार वाजेच्या सुमारास पहिल्या मजल्यावर खेळत होता. खेळता खेळता त्याचे खेळणे कुलर मध्ये पडले. ते काढण्यासाठी त्याने थेट कुलर मध्ये हात घातला. त्यात त्याला जोराचा झटका बसला. कुटुंबियांना हा प्रकार लक्षात येताच त्यांनी थेट त्याला लांब करण्याचा प्रयत्न केला. त्यांनाही धक्का बसला. त्यातील एकाने तत्काळ वायर पिन काढली व रियानला बाजुला केले व रुग्णालयात दाखल केले. परंतु तो पर्यंत त्याचा मृत्यू झाला होता. गुरूवारी सकाळी रोजाबाग येथील कब्रस्तानमध्ये त्याचा दफनविधी करण्यात आला. सध्या रमजानचा महिना पवित्र महिना सुरू आहे. या महिन्यात खान कुटुंबीयावर दुःखाचा डोंगर कोसळल्याने परिसरात हळहळ व्यक्त करण्यात येत आहे.